Leesvordering:

AfriForum sit #DieWêreldMoetWeet-veldtog in Nederland en Hongarye voort

Mei 10, 2022

Die burgerregteorganisasie AfriForum se veldtog om die wêreld van die krisis in Suid-Afrika in te lig en buitelandse steun vir AfriForum se projekte te werf, word in die volgende twee weke in Europa voortgesit. As deel van hierdie inisiatief is Ernst Roets, hoof van Beleid en Aksie by AfriForum, hierdie week op ’n skakeltoer in Nederland en volgende week in Hongarye.

’n Memorandum oor die voortdurende regeringskrisis in Suid-Afrika en maniere hoe die Nederlanders en die Hongare vanuit hul onderskeie posisies waarde tot ’n meer volhoubare oplossing kan toevoeg, word tydens hierdie skakeltoer aan verteenwoordigers van die Nederlandse en Hongaarse regerings oorhandig. Verskeie vergaderings sal ook met politieke partye, regeringsdepartemente, nie-regeringsorganisasies en ander prominente persone gehou word. In hierdie gesprekke sal praktiese voorstelle aan die regerings van Nederland en Hongarye voorgelê word oor maniere hoe diplomatieke druk op die Suid-Afrikaanse regering toegepas kan word om destruktiewe beleide soos die skending van eiendomsreg te laat vaar. Roets sal ook verskeie vergaderings in Nederland en Hongarye toespreek oor die situasie in Suid-Afrika. ’n Reeks media-onderhoude in hierdie lande is ook reeds geskeduleer.

Roets het verduidelik dat hierdie skakeltoer ’n voortsetting is van AfriForum se #DieWêreldMoetWeet-veldtog wat in 2020 afgeskop is en dat daar ook reeds voorberei word aan skakeltoere na verskeie ander lande in Europa en die res van die wêreld.

“AfriForum het nog altyd ’n hoë premie op dialoog geplaas as ’n manier om volhoubare oplossings vir politieke probleme te vind. Die werklikheid in Suid-Afrika is egter dat die Suid-Afrikaanse regering hulle nie juis steur aan gesprekke en voorstelle wat strydig met hul vooropgestelde idees is nie. Daarom is buitelandse skakeling so belangrik – nie net omdat ander lande waarde tot ’n oplossing kan toevoeg nie, maar ook omdat buitelandse skakeling ’n manier is om vriendskappe in die buiteland te versterk en druk op die Suid-Afrikaanse regering te plaas om hulle met meer volhoubare oplossings te bemoei,” sê Roets.

Meer oor die outeur

AfriForum Wêreldwyd

Soek

Volg ons op

Moet lees artikels

Kersfeesvieringe in Dubai

Kersfeesvieringe in Dubai

Deur Lorey Harfield Omdat ek sedert ’98 in Dubai woon, is die belewenis van Kersfees hier ’n mengelmoes van kulture teen die agtergrond van sonnige dae. Alhoewel ons in ’n stad met sterk Islamitiese wortels is, raak Dubai tydens Kersfees werklik op ’n unieke manier...

Unieke maniere hoe Kersfees in verskillende lande gevier word

Unieke maniere hoe Kersfees in verskillende lande gevier word

Deur Alize Scholtz Die woorddeel “kers” in Kersfees kom van die Griekse woord vir Christus, naamlik “Kristos”. Deur klankomruiling het “Kris-” in “Kers-” verander. Die woord Kersfees beteken dus eintlik Christusfees. Dit is ook waarom samestellings met “Kers-”...

Kersfees in Nederland

Kersfees in Nederland

Deur Jorietha Rabie In Nederland vier ons Sinterklaas op 5 Desember en dan Kersfees op 25 Desember. Dit is nie dieselfde viering nie en Sinterklaas vervang nie Kersvader nie.Ons gesin het besluit om die geleentheid te gebruik om die groot geskenke wat ons normaalweg...

AfriForum TV

Nuusbrief

Kontak ons

Maak 'n donasie

Jeugblad

Jy sal ook dalk hiervan hou…

Teken in op die Kollig-nuusbrief en bly betrokke

Nuusbrief/Newsletter

Jy het suksesvol ingeteken!

Pin It on Pinterest