Leesvordering:

AfriForum veroordeel die aanstelling van NGV-werkers; moontlike regsaksie volg

Aug 5, 2022

Die burgerregteorganisasie AfriForum veroordeel die aanstelling van 44 werknemers om vanaf Januarie 2023 aan die Nasionale Gesondheidsversekering (NGV) te werk, ten sterkste en het sy regspan opdrag gegee om die saak te ondersoek. AfriForum voer aan dat hierdie aanstellings teen ’n koste van R30 miljoen geheel en al irrasioneel en onverdedigbaar is, omdat die wetgewingsproses nie naastenby afgehandel is nie. Die Departement van Gesondheid het ook aangekondig dat verdere poste in 2023/24 beskikbaar sal word wat die NGV se tegniese en administratiewe personeel tot ’n totaal van 132 sal laat groei.

“Die regering wys minagting vir die wetgewingsproses deur reeds werknemers vir die NGV aan te stel, terwyl die wetgewing nog hoegenaamd nie deur die parlement aanvaar is nie. Dit wys verder dat die regering hulself nie glad steur aan die openbare deelnameproses nie, wat ook gesien is deur die wyse wat die regering kommentaar op voorgestelde wysigings van die gesondheidswetgewing geïgnoreer het,” sê Reiner Duvenage, veldtogebeampte vir strategie en inhoud by AfriForum.

Die regering poog reeds ’n aantal jare om ’n gemonopoliseerde gesondheidstelsel op die land af te dwing en het die NGV-wetsontwerp in 2019 in die parlement ter tafel gelê. AfriForum voer aan dat NGV onbekostigbaar en onuitvoerbaar is, maar ook sal lei tot die massa-emigrasie van gesondheidswerkers. Boonop het die regering tydens die Covid-19-pandemie weer bewys dat dit nie daartoe in staat is om publieke fondse te bestuur nie en dat dit behep is met mag. 

“Die NGV word korrek as die ‘Eskom van gesondheidsorg’ bestempel en sal die grootste regeringsentiteit word wat ongeveer R470 miljard jaarliks sal bestuur. Die onvermydelike wanbestuur en mislukking van die NGV sal dus die gesondheidsorgsektor as geheel vernietig. AfriForum sal voortgaan om teen die NGV te veg met alle middele tot ons beskikking,” sluit Duvenage af.

Meer oor die outeur

AfriForum Wêreldwyd

Soek

Volg ons op

Moet lees artikels

Maroela Media: Nuushooftrekke van die week

Maroela Media: Nuushooftrekke van die week

Deur Suné van Heerden Maroela Media is ’n Afrikaanse internetkuierplek waar jy alles kan lees oor dit wat in jou wêreld saak maak – of jy nou in Suid-Afrika bly, of iewers anders woon en deel van die Afrikaanse Maroela Media-gemeenskap wil wees....

Afrikaans is Groot hou vir ’n 11de keer konsert en jy kan wen!

Afrikaans is Groot hou vir ’n 11de keer konsert en jy kan wen!

In ’n wêreld vol onbekendes is daar een bekende: Afrikaans is Groot. Dis ’n saamkomplek omjou taal, jou kultuur en jou menswees te vier. En die jaar is geen uitsondering wanneer diegrootste familie-reünie nóg vanaf 8 to 17 November 2024 in die SunBet Arena in...

AfriForum vier 18 jaar van selfdoen

AfriForum vier 18 jaar van selfdoen

AfriForum, ’n organisasie wat vandag meer as 315 000 lede in elke uithoek van die land verteenwoordig, vier vandag sy agtiende bestaansjaar. Dié burgerregteorganisasie is op 26 Maart 2006 vir die eerste keer aan die publiek bekendgestel in ’n berig oor sy...

AfriForum TV

Nuusbrief

Kontak ons

Maak 'n donasie

Jeugblad

Jy sal ook dalk hiervan hou…

Teken in op die Kollig-nuusbrief en bly betrokke

Nuusbrief/Newsletter

Jy het suksesvol ingeteken!

Pin It on Pinterest