Deur Sue-Ann de Wet

Dié gewilde tuiskomplek wat Suid-Afrikaners in die buiteland met gebeure en interessanthede in hul geboorteland verbind hou, genaamd AfriForum Wêreldwyd, gaan besoekers voortaan met ’n afgestofte Wêreldgids inwag.

AfriForum Wêreldwyd is ’n omvattende platform waarmee kontak gehou word met vele Suid-Afrikaners wat tans in die buiteland woon en/of werk, maar steeds in voeling met hul geboorteland wil bly.

AfriForum Wêreldwyd se Wêreldgids is waar Suid-Afrikaanse ondernemings van regoor die wêreld bymekaarkom om ’n gemeenskap te vorm. Op dié manier raak hulle deel van hierdie wonderlike netwerkgeleentheid.

Die Wêreldgids maak die wêreld bietjie kleiner, maar jou netwerk groter. Ondernemings vanuit alle uithoeke van die aarde kan opgespoor word op die Wêreldgids. Hier kan jy dokters, prokureurs, finansiële adviseurs, haarkappers en vele meer opspoor wat hul dienste in Afrikaans lewer. Die Wêreldgids is egter nie net vir Afrikaanse ondernemings nie, maar ook vir Engelse ondernemings en diensverskaffers wie se dienste ook in Afrikaans beskikbaar is. Selfs al gaan jy net op reis in die buiteland, is die Wêreldgids handig – inligting oor ambassades, gastehuise, restaurante en apteke is tot jou beskikking.

Die vraag na ’n meer gebruikersvriendelike en interaktiewe gids het gegroei en Suid-Afrikaanse klein- of grootsakeondernemings in die buiteland kan self hul ondernemings gratis op die Wêreldgids lys. Die Wêreldgids spog met veertig kategorieë van ondernemings en diensverskaffers regoor die wêreld.

Nou kan jy as eienaar van ‘n onderneming jou eie profiel hê waar jy kan inteken en veranderinge maak soos jou onderneming verander en groei.

Dit is so maklik soos 1,2,3 … gids jouself!

1. Skep ’n profiel.
2. Laai jou onderneming.
3. Kry meer blootstelling.

Kom tuis – jou taal, jou mense, jou netwerk!

Op AfriForum Wêreldwyd se Wêreldgids word jy nie net deel van ’n sakenetwerk nie, maar dit is ook ’n waardevolle manier om ’n ondersteuningsbasis op te bou vir daardie dae wanneer die verlange te veel raak en almal net te ver weg is.

Help jou onderneming om te groei, gebruik hierdie skakel en maak seker jou onderneming word gelys op Wêreldwyd se Wêreldgids.

Ons wil weet waar jy koop, met wie jy praat en hoe jou netwerk in die buiteland lyk. Laat weet ons by wereldwyd@afriforum.co.za.