Die Gereformeerde Sendingpos in Gent waar ek elke tweede Sondag by inskakel, gebruik van tyd tot tyd vir een van die Psalms in die Erediens, die 1936-beryming van Totius, na aanleiding van my teenwoordigheid, maar eintlik as ‘n tradisie wat begin het etlike maande voor my koms tydens die kort verblyf in Gent van ‘n Gerformeerde gesin uit Pretoria (deel van navorsingswerk by die einste Universiteit van Gent).

Vir die interessantheid kan ek noem dat hierdie Sendingpos verbonde is aan die Christelijke Gereformeerde Kerk, Dordrecht-Centrum, op sy beurt ‘n gemeente van die Christelijke Gereformeerde Kerken in Nederland, een van die Gereformeede Kerke in Suid-Afrika (GKSA) se heel oudste buitelandse susterskerkverbande, en met ‘n geskiedenis wat teruggaan na die 1834-Afscheiding in Nederland wat ‘n feitlik identiese parallel in Suid-Afrika gehad het by die daarstelling van die GKSA in 1859.

Gereformeerde Sendingpos in Gent:
http://ecrgent.be/

Christelijke Gereformeerde Kerk, Dordrecht-Centrum:
http://www.cgkdordrecht-c.nl/

Christelijke Gereformeerde Kerken in Nederland:
http://www.cgk.nl/

Dus in Gent word daar nie alleen in sommige kringe Afrikaans gestudeer nie, maar ook selfs in Afrikaans Psalms gesing!

Mooi bly
Josef du Toit

Wêreldwyd
Wêreldwyd

Teken in op die Kollig-nuusbrief en bly betrokke

Jy het suksesvol ingeteken!

Pin It on Pinterest