En Paulus het ’n gesig in die nag gesien – daar staan ’n Macedóniër wat hom smeek en sê: Kom oor na Macedónië en help ons” (Hand. 16:9). Miskien is dit hoe jy ook voel daar in die vreemde? Geestelik geïsoleerd, dors na God se Woord in jou eie taal, smagtend na gemeenskap met gelowiges met wie jy kan identifiseer?

Die Afrikaanse Protestantse Kerk wil graag help. Ons besef dat baie Afrikaners Suid-Afrika oor verskeie redes verlaat het. To7g is dit ook ’n wonderlike geleentheid wat die Here geskep het sodat gelowiges uit hierdie volkie ook in God se diens kan staan om die evangelie tot aan die uithoeke van die aarde te help uitdra!

Ten einde ons in staat te stel om ons broers en susters in die buiteland effektief te bedien, het ons egter jou hulp nodig. Indien jy lidmaat van ’n AP Kerk in Suid-Afrika was of selfs aan ‘n ander kerkgenootskap behoort het en behoefte aan bediening het, laat weet ons asseblief. Ons besef baie mense het reeds geestelike tuistes gevind en daarvoor is ons dankbaar, maar dalk beleef jy steeds ’n behoefte na bediening in Afrikaans.

Ons sal dit waardeer indien jy met ons in verbinding kan tree en die volgende inligting verskaf:

  1. Naam
  2. Kerkverband
  3. Waar woon jy tans?
  4. Waar skakel jy tans in by ’n gemeente?
  5. Hoeveel Afrikaners is in jou omgewing?
  6. Watter spesifieke bedieningsbehoeftes het jy?

Stuur asseblief jou inligting (of navraag) na redakteur@apk.co.za of info@apk.co.za

Intussen kan jy gerus gaan loer na ons webblad waardeur ons reeds verskeie bedieningsmiddels bied:

  • Direkte uitsendings is ’n afdeling waar jy d.m.v. “streaming” regstreeks by ’n diens in Suid-Afrika kan inskakel of waar jy na verskeie opgeneemde preke kan kyk en luister.
  • Ons maandblad, Die Boodskapper, bevat baie interessante artikels oor ’n verskeiden-heid geestelike sake asook gemeentenuus.
  • Onder die afdeling kommentaar sal jy kommentaar artikels vind wat gerig is op sake van die dag.
  • Basuingeklank is ons joernaalprogram waardeur ons gelowiges op hoogte hou van gebeure in ons kerkverband en die breër kerklike samelewing.
  • Klankgolwe is die afdeling waarin ons 7 voor 7 oordenkings en radio-insetsels van Pretoria FM plaas.
  • Of besoek sommer net ons Facebook-blad: https://www.facebook.com/apkerk/

Ons hoor graag van jou!

Wêreldwyd admin
Wêreldwyd admin

Teken in op die Kollig-nuusbrief en bly betrokke

Jy het suksesvol ingeteken!

Pin It on Pinterest