Leesvordering:

Afrikanerstigting en AfriForum vertrek op steunwerwingstoer na die VSA

Jul 5, 2024

Verteenwoordigers van die nuutgestigte Afrikanerstigting en AfriForum vertrek vandag na die Verenigde State om aan verskeie geleenthede deel te neem en bewusmaking van die situasie in Suid-Afrika te skep, asook hoe mense in die buiteland ʼn ondersteunende rol kan speel om ʼn toekoms vir die Afrikaner-gemeenskap aan die suidpunt van Afrika te verseker. Dr. Ernst Roets, beleidshoof van die Solidariteit Beweging en uitvoerende direkteur van die Afrikanerstigting, sal op hierdie toer vergesel word deur Ernst van Zyl, AfriForum se hoof van openbare betrekkinge.

Roets en Van Zyl sal tydens hierdie toer by verskeie geleenthede as sprekers optree, insluitende by die National Conservatism Conference (NatCon 4) in Washington DC en ʼn geleentheid in New York om die Afrikanerstigting bekend te stel. NatCon is een van die grootste politieke konferensies ter wêreld.

Die Afrikanerstigting is ʼn instelling wat deel is van die Solidariteit Beweging in Suid-Afrika en het ten doel om internasionale samewerking moontlik te maak en steun vir Afrikaners te werf. Die stigting wil ook Afrikaners se regmatige plek in die internasionale gemeenskap inneem en ʼn bydrae tot die internasionale gemeenskap lewer met ʼn besondere fokus op die behoud van Westerse tradisie onder Afrikaners en Westerlinge in Suid-Afrika. Die Solidariteit Beweging is ʼn netwerk van instellings wat daarop ingestel is om ʼn veilige, vrye en voorspoedige toekoms vir Afrikaners aan die suidpunt van Afrika te verseker. Die aktiwiteite van die Afrikanerstigting is daarop gerig om tasbare uitkomste buite Suid-Afrika te bereik, wat die ondertekening en implementering van samewerkingsooreenkomste, die beïnvloeding van beleid ten opsigte van Suid-Afrika en fondsinsameling vir die aktiwiteite van die Solidariteit Beweging in Suid-Afrika insluit. Die burgerregte-organisasie AfriForum, deel van die Solidariteit Beweging, fokus veral op gedesentraliseerde, gemeenskapsgebaseerde oplossings.

Roets en Van Zyl sal deurlopend op sosiale media terugvoer gee oor hul vordering in die Verenigde State.

Foto: Dr. Ernst Roets is die uitvoerende direkteur van die Afrikanerstigting. (Foto: Reint Dykema)

Meer oor die outeur

AfriForum Wêreldwyd

Soek

Volg ons op

Moet lees artikels

Maroela Media: Nuushooftrekke van die week

Maroela Media: Nuushooftrekke van die week

Deur Suné van Heerden Maroela Media is ’n Afrikaanse internetkuierplek waar jy alles kan lees oor dit wat in jou wêreld saak maak – of jy nou in Suid-Afrika bly, of iewers anders woon en deel van die Afrikaanse Maroela Media-gemeenskap wil wees. Jonk, Afrikaans en...

Ons moet praat oor emigrasie

Ons moet praat oor emigrasie

Deur dr. Sulette Ferreira Mense is altyd besig om te trek – na ’n nuwe huis, ’n nuwe dorp of stad, of selfs somtyds na ’n nuwe land. Die lewensveranderende besluit om uit jou land van oorsprong te emigreer kan die skaal van die lewe enige kant toe laat kantel. Ons kan...

Kollig-nuusbrief: 11 Julie 2024

Kollig-nuusbrief: 11 Julie 2024

Hiermee die nuutste Wêreldwyd Kollig. Die nuusbrief bevat inligting oor allerlei interessante sake, maar ook noodsaaklike kwessies vir ons mense in die buiteland. Stuur hierdie nuusbrief gerus aan. Enigiemand kan gratis daarop inteken. Klik hier om die nuutste...

AfriForum TV

Nuusbrief

Kontak ons

Maak 'n donasie

Jeugblad

Jy sal ook dalk hiervan hou…

Teken in op die Kollig-nuusbrief en bly betrokke

Nuusbrief/Newsletter

Jy het suksesvol ingeteken!

Pin It on Pinterest