So is onse mense is J.C. Steyn se laaste bundel. Dit bevat ’n versameling “herbesoeke” oor geskiedkundige onderwerpe, outobiografiese grepe en rubrieke waarin sy meesterlike talent as prosaskrywer en navorser ten toon gestel word.
Steyn stel lesers onder meer weer bekend aan die bykans vergete geskiedenis van die laaste dramatiese dae van Mei 1902, soos gesien deur die oë van twee vooraanstaande dramaturge; hy herontdek die lewe en werk van die veldprediker en stigter van die Reddingsdaadbond, J.D. Kestell; en stel ondersoek in na die manne en vroue wat verantwoordelik was vir die oprigting van die Nasionale Vrouemonument in Bloemfontein.
In die tweede afdeling benader hy die geskiedenis meer outobiografies en gee jou ’n kykie in sy lewe as jong Vrystaatse seun van die Brandwaterkom. Dan volg tien korter rubrieke – elk met Steyn se kenmerkende fyn benadering tot interessanthede uit die verlede.
Steyn se skielike afsterwe in September 2021 het beteken dat hy nooit die finale weergawe van dié bundel onder oë kon kry nie. Die werk sluit ook huldeblyke van oudkollegas, vriende en familie in en bring eer aan een van Afrikaans se grootste woordmeesters.
So is onse mense word binnekort by Kraal Uitgewers bekendgestel. Besoek die uitgewer se veilige aanlyn winkel by www.kraaluitgewers.co.za vir meer inligting en om ’n bestelling te plaas.
