Carla Kasselman se lewe val uit mekaar nadat haar man die reg in eie hande neem, ’n onnoembare daad pleeg en die skuld op haar pak. Hy neem alles van haar af weg, eers haar babaseuntjie, dan haar blonde krulkopdogtertjie. Lewensmoeg en sonder hoop vlug sy na Sannasklip, ’n eenvoudige Weskusdorpie waar die eksentrieke tante Doreen haar weer op die voete help.

Die lewe raak weer draaglik, en aangenaam voorspelbaar, totdat ’n weerbarstige grootwildjagter se Landie sonder brandstof voor haar voordeur gaan staan. Carla ontdek dat die lewe bestaan uit probeer en weer probeer.

Meer as twintig jaar later sien sy weer haar dogter.

Mignon is gebroke, verslae en sonder ’n wil om voort te gaan. Carla bring haar saam Sannasklip toe. Skuldgevoelens en verwyte verteer ma én dogter. Is daar lig aan die einde van die tonnel? Of lê die lig dalk in Sannasklip se vuurtoring waar die aantreklike besigheidsman, Bernard Bartman, besig is om ’n restaurantkoninkryk te vestig?

Mignon ontdek dat sy meer is as ’n lappop én dat sy in staat is om lief te hê.

Die lewe vir beginners is ’n storie oor heel word – van begin en weer begin en óórbegin.

Hoewel die roman ernstiger is as die skrywer se vorige werke, is dit deurspek met Bergenthuin se heerlike sin vir humor en deernis.

Dié boek, wat kort na die Steinhofskandaal verskyn, illustreer die impak wat so ’n korporatiewe skandaal op die familielede van die aandadiges het.

Die lewe vir beginners

Bernette Bergenthuin

9780799395303

R285,00

Wêreldwyd
Wêreldwyd

Teken in op die Kollig-nuusbrief en bly betrokke

Jy het suksesvol ingeteken!

Pin It on Pinterest