Op ’n dag gaan Sophia saam met haar pa see toe. Hulle geniet ’n heerlike dag op die strand, totdat ’n donderstorm uitbreek en hulle inderhaas moet vlug. Sophia verloor per ongeluk haar teddie; haar spesiale teddie wat eers haar oupa s’n was, en toe haar ma s’n, en daarna hare sedert die dag toe sy gebore is.

Sophia se hart is gebreek, maar die see sien wat gebeur en dalk, net dalk, kan die see Sophia se teddie vir haar terugbring, maak nie saak hoe lank dit neem nie …

Hierdie beeldskone, spesiale prenteboek kombineer asemrowende collage-kunswerke met ’n hartroerende storie wat jou altyd sal bybly.

Wat die see gesien het is oorspronklik in Engels uitgegee as The Sea Saw. LAPA het die regte bekom en deel nou graag Jaco Jacobs se uitstekende vertaling, die pragtige storie en wonderlike prente aan alle kinderharte tussen die ouderdom 3 en 103.

Niemand is te oud om die hartseer én die mooi van hierdie beeldskone boek te geniet nie.

Wat die see gesien het

Teks en illustrasies: Tom Percival

Vertaler: Jaco Jacobs

Ouderdom: 3+

ISBN: 9780799389562

R135,00

 

Wêreldwyd
Wêreldwyd

Teken in op die Kollig-nuusbrief en bly betrokke

Jy het suksesvol ingeteken!

Pin It on Pinterest