Leesvordering:

Boekresensie: Emigreer of bly

Jan 14, 2021

Emigreer of bly is ’n vraag wat jy dalk al in jou kop gehad het of wat iemand jou al gevra het. Ek onthou in ’n onderhoud vir ’n vorige pos het dié vraag in die onderhoud opgekom, ek was nog altyd die “wat jy dink die beste vir jou is op ’n spesifieke tyd” persoon en my antwoord was iets in daai lyn.

Stephan Joubert neem egter ’n baie beter posisie as ek in met hierdie boek. Op ’n eerlike en soms bietjie streng manier verpak hy een vir een die verskillende soort scenario’s wat in mense se gedagtes afspeel. Sy hoek is veral uniek aangesien hy self al ryer én blyer was.

Op ’n humoristiese manier vertel Joubert van die moontlike-ryers wat hy al in die buiteland raakgeloop het en die verskillende maniere hoe mense hul keuses regverdig.

Die vraag oor geluk en geloof kom ook op en dan blyk die antwoord vanselfsprekend te wees. Of jy ry en of jy bly maak seker dat Jesus jou kompas is.

Een van die punte wat vir my uitgestaan het is die idee dat baie mense wat bly eintlik in hul kop reeds gery het en dit wys in hul daaglikse gesprekke en manier van lewe. Dit het my onwillekeurig teruggevoer na braaivleisvuurgesprekke en vriende wat eerder daar of dáár wou wees as hier, hulle werk nou hard sodat hulle oor sus of soveel jaar soontoe kan gaan en daar kan bly. Het hulle dan nie ook op ’n manier reeds gery nie?

As jy self worstel met dié vraag is Joubert se boek beslis een wat ek sal aanbeveel. Moenie dink jy gaan getroos word of beter voel oor die een besluit of ander nie, Joubert gaan jou dwing om oor ALLES te dink.

 

Emigreer of bly
Is die gras werklik groener aan die ander kant?

Stephan Joubert


ISBN: 9780796322272

Epub ISBN: 9780796322289

Uitgewer: Lux Verbi

Datum Vrygestel: Julie 2020

Prys (incl. VAT): R 190,00

Formaat: Sagteband, 192pp

Meer oor die outeur

Chante Kelder-Jansen van Rensburg

Chanté Kelder-Jansen van Rensburg is 'n mediaskakelbeampte by AfriForum. In haar vrye tyd hou sy daarvan om boek te lees en ook om self so bietjie te skryf.

Soek

Volg ons op

Moet lees artikels

Maroela Media: Nuushooftrekke van die week

Maroela Media: Nuushooftrekke van die week

Deur Suné van Heerden Maroela Media is ’n Afrikaanse internetkuierplek waar jy alles kan lees oor dit wat in jou wêreld saak maak – of jy nou in Suid-Afrika bly, of iewers anders woon en deel van die Afrikaanse Maroela Media-gemeenskap wil wees....

Afrikaans is Groot hou vir ’n 11de keer konsert en jy kan wen!

Afrikaans is Groot hou vir ’n 11de keer konsert en jy kan wen!

In ’n wêreld vol onbekendes is daar een bekende: Afrikaans is Groot. Dis ’n saamkomplek omjou taal, jou kultuur en jou menswees te vier. En die jaar is geen uitsondering wanneer diegrootste familie-reünie nóg vanaf 8 to 17 November 2024 in die SunBet Arena in...

AfriForum vier 18 jaar van selfdoen

AfriForum vier 18 jaar van selfdoen

AfriForum, ’n organisasie wat vandag meer as 315 000 lede in elke uithoek van die land verteenwoordig, vier vandag sy agtiende bestaansjaar. Dié burgerregteorganisasie is op 26 Maart 2006 vir die eerste keer aan die publiek bekendgestel in ’n berig oor sy...

AfriForum TV

Nuusbrief

Kontak ons

Maak 'n donasie

Jeugblad

Jy sal ook dalk hiervan hou…

Teken in op die Kollig-nuusbrief en bly betrokke

Nuusbrief/Newsletter

Jy het suksesvol ingeteken!

Pin It on Pinterest