Die geboorte van kinders in die Verenigde Koninkryk van Suid-Afrikaanse ouers veroorsaak soms verwarring rakende die nasionaliteit van die kinders, aangesien ouers nie seker is of die kind outomaties Britse burgerskap ontvang en wat die kwessie gaan wees rakende die kind se Suid-Afrikaanse burgerskap nie. Daar is ook selfs meer verwarring in gevalle waar die ouers Britse burgerskap ontvang het, en intussen teruggetrek het na Suid-Afrika!

Die konsultante by Breytenbach’s Immigration het gevolglik ’n kort handleiding oor hierdie kwessies saamgestel. Dit is egter belangrik om in gedagte te hou dat hierdie slegs breë riglyne is en dat dit die beste is om professionele advies vir jou unieke omstandighede in te win.

Suid-Afrikaanse ouers met dubbele burgerskap

Britse burgerskap vir die kind

Indien ’n baba gebore word wat Suid-Afrikaanse ouers het, en dié ouers beskik oor beide Britse en Suid-Afrikaanse burgerskap, sal sy/haar burgerskap bepaal word deur die plek waar hy/sy gebore is. Indien die kind in Brittanje gebore is (d.w.s. Brits via geboorte), sal hy/sy outomaties Brits wees, en die ouers kan eenvoudig om ’n Britse paspoort aansoek doen sodra die kind gebore is.

Indien die kind buite die VK gebore is (d.w.s. Brits via herkoms), sal die aansoek deur die Britse Hoëkommissariaat in die land waar die kind gebore is gedoen moet word.

Suid-Afrikaanse burgerskap

Indien die ouers van die kind oor dubbele burgerskap beskik, Suid-Afrikaanse en Britse burgerskap, sal die kind ook in staat wees om vir Suid-Afrikaanse burgerskap aansoek te doen. Die ouers sal die kind se geboorte by die Suid-Afrikaanse Hoëkommissariaat moet registreer indien die kind in die VK gebore is. Dít moet binne enkele dae ná geboorte gedoen word.

Indien die kind in Suid-Afrika gebore is, moet die ouers die geboorte eenvoudig by die departement van binnelandse sake registreer.

Indien jy aansoek om ’n VK-visum wil doen, waarom nie sommer ’n konsultasie by Breytenbach’s Immigration Consultants reël en ons toelaat om die las te help dra en jou met die aansoek by te staan nie? Ons bied ’n professionele, vriendelike en voorbeeldige diens wat jou gemoedsrus sal gee en sal verseker dat die aansoekproses glad en doeltreffend sal verloop. Kontak ons vandag by info@bic-immigration.com of besoek www.bic-immigration.com.

Hierdie artikel is ook beskikbaar in: English

Wêreldwyd admin
Wêreldwyd admin

Teken in op die Kollig-nuusbrief en bly betrokke

Jy het suksesvol ingeteken!

Pin It on Pinterest