Om te emigreer is nie maklik nie. Jy land op ’n ander dam, en sy ganse is definitief anders as enigiets waaraan jy gewoond was. Hulle lyk anders, hulle klink anders, hulle loop en koop anders. Daar is ander reëls en regulasies, en dit is ’n ander gans wat besluit wie swem waar.
Daar is die voordeel dat alle ganse op die vreemde dam min of meer gelyk is, en jy sal gou gepik word as jy jou hier by die ander dam sou wangedra.
Dan is daar natuurlik heelwat vreemde ganse net soos jy. Ander damme is anders, hulle verwelkom vreemde ganse, maar dan wel ganse wat kan bydra tot die stelsel, en bitter min ganse eet kos wat hulle nie self gevang het nie.
En vir die meeste vreemde ganse is daar ’n proses om eie ganse op die vreemde dam te word – natuurlik binne perke. Tot ’n sekere mate bly ’n vreemde gans ’n vreemde gans, maar dit is gewoonlik die kuikentjies – wat as eie ganse grootgemaak word – wat eie ganse word.
Dit is dan ook belangrik om die regte vreemde dam te kies om op te land, want sommige vreemde ganse is wilder as ander, en gaan vir ’n redelike tyd neerkyk op vreemde ganse, en dit moeilik maak vir die vreemde ganse om hul eie swemplek te kry.
Maar helaas, die dam waar ons geland het, het so baie vreemde ganse dat dit soms moeilik is om uit te vind wie vreemde ganse is en wie eie ganse, bygesê. Maar hierdie ganse op hierdie vreemde dam het ons verwelkom, en ons is nou so ingeburger ons sal soos vreemde ganse voel op die dam waar ons van gevlieg het, soos in die dag van die vreemde gans….
