Vrydag was weer ’n pad-dag, en ek het so baie gehoor wat ek graag wil onthou. Onder andere die volgende:
Een van die wonderlikste dinge om te sien, is hoe God jou idees verander.
Tony Evans
Deel van grootword is om groter te dink, wyer te droom – en daarmee is niks verkeerd nie. Maar soos ek ouer word, wil ek kleiner dink, nouer vriendskappe hê eerder as méér, klein goedjies met groter sorg doen eerder as om soos ’n afkophoender alles op my doenlys te probeer klaarky.
Het Jesus dalk in Matteus 10:8 (The Message) vir die dissipels iets hiervan probeer leer:
Don’t begin by traveling to some far-off place to convert unbelievers. And don’t try to be dramatic by tackling some public enemy. Go to the lost, confused people right here in the neighborhood. Tell them that the kingdom is here.
Gaan na die verlorenes en verwardes (“lost and confused people”).
Vertel vir hulle dat daar uiteindelik ’n antwoord op al hulle vrae is.
Ek hoef nie alles te weet nie; ek kan hulle maar net die rigting wys.
En ja, daar is ander verlorenes en verwardes wat baie duisende kilometer van my af is.
Maar die dissipels naby hulle het dieselfde boodskap gekry.
As elkeen dan maar net die verlorenes en verwardes naaste aan hulle opsoek en bemoedig, kring die goeie nuus soos ’n magdom druppels van hoop uit totdat die deinings mekaar oorvleuel en almal uiteindelik een, groot waarheid deel.
Jakobus herinner ons daaraan dat ons wysheid van die Here mag vra. Dit is vir my elke dag so ’n wonderlike troos: As ek nie weet wie die verlorenes is of hoe om ’n gesprek met hulle aan te knoop nie, mag ek maar vra. En Hy sal my help – sonder om in sy mou vir my te giggel.
Wanneer die verwardes se verwarring my eie brein so konfoes dat ek nie meer seker is wat waar is nie, mág ek wysheid van die Here vra. En Hy sál my antwoord.
Nes Hy nie kan wag om vir óns goed te wees nie, net so kan Hy nie wag om vir die verlorenes en verwardes goed te wees nie:
En tog wag die Here nog altyd vir ’n kans om julle te wys hoe goed Hy vir julle is.
Jesaja 30:18 (Die Boodskap)
En Hy is deur ons goed vir hulle.
Óns wys vir “hulle” wat die naaste aan ons is sy goedheid.
Die hulle wat naaste aan ons is.
Jou inspirasie vir die week: The reason
