Die Eerste Vryheidsoorlog, 1880-1881 was ’n kort, maar intense stryd tussen die Transvaalse burgers en die Britte. Nadat Brittanje die Zuid-Afrikaansche Republiek in 1877 geannekseer het, het verskeie pogings van die Transvalers gevolg om hul onafhanklikheid terug te kry – elke keer sonder sukses.

Pretoria, die setel van die Brits beheerde Transvaal, het gedurende die oorlog onder beleg van die Boerekrygers gekom en verskeie veldslae het rondom die hoofstad plaasgevind. Die bekendste hiervan is waarskynlik die geveg by Rooihuiskraal. Hoewel die Boere gedurende die hele oorlog die oorhand oor die Britte gehad het, het die geveg by Zwartkopje, net oos van die stad naby die teenswoordige buurte Silverton en Die Wilgers, in die guns van die Britte geval. Dit was die Britte se enigste beslissende oorwinning van die oorlog.

Lees meer oor dié geveg, die Beleg van Pretoria en die oorlog in Die Eerste Vryheidsoorlog, 1880-1881, die nuutste boek van die historikus dr. Jackie Grobler. Klik hier vir meer inligting oor dié publikasie en hier om die daaglikse gebeure van die oorlog te volg.

Wêreldwyd
Wêreldwyd

Teken in op die Kollig-nuusbrief en bly betrokke

Jy het suksesvol ingeteken!

Pin It on Pinterest