Elders, Erns Grundling se boek oor sy ervaring tydens die stap van die Spaanse pelgrimstog bekend as die Camino, is ’n topverkoper wat lesers op ’n lewensveranderende voetreis, maar ook op ’n innerlike tog meevoer. Nou kan jy ’n meer intieme blik op dié staptog ervaar met die reeks Elders: Die Camino, waarin Erns sy tog hervat saam met ’n klein kameraspan van Palama Productions, bestaande uit die vervaardiger Niel van Deventer, die aktrise en regisseur Charlene Brouwer, en die videograaf Kobus Zietsman. Dié reeks is ’n leefstylavontuur wat op dinge fokus soos die genot van stap, kop skoonmaak, in die oomblik leef, die natuurskoon van Spanje, asook die mense wat die stappers langs die pad teëkom. Voornemende Camino-stappers sal ook meer onskatbare kennis opdoen oor die verblyf en kos wat hulle kan verwag tydens só ’n staptog, terwyl rusbankreisigers deur hierdie besonderse avontuur vermaak en verkwik sal word. Kyk sommer dadelik na splinternuwe episodes op ShowMax.
Maroela Media: Nuushooftrekke van die week
Deur Suné van Heerden Maroela Media is ’n Afrikaanse internetkuierplek waar jy alles kan lees oor dit wat in jou wêreld saak maak – of jy nou in Suid-Afrika bly, of iewers anders woon en deel van die Afrikaanse Maroela Media-gemeenskap wil wees....
