Leesvordering:

Internasionale reise – Alles wat jy moet weet

Okt 1, 2020

Internasionale reise na Suid-Afrika word op 1 Oktober 2020 hervat. Vlugte vir sake- en ontspanningsdoeleindes word nou toegelaat. Hier is 10 feite waarvan jy moet weet.

  • Reisigers wat in die land aankom moet ‘n sertifikaat toon wat wys dat hulle negatief getoets het vir Covid-19. Indien hulle nie een het nie, word hulle op eie onkoste onder verpligte kwarantyn geplaas.

Dit moet ʼn PCR-toets wees en dit mag nie meer as 72 uur voor jou vertrektyd gedoen word nie. Die sertifikaat moet die dokter wat die toets gedoen het se naam en handtekening op hê. As jy nie ’n toetssertifikaat kan toon nie, moet jy in kwarantyn bly terwyl jy vir ’n toetsuitslag wag.

  • Reisigers sal met aankoms gesif word vir die virus en diegene met Covid-19-simptome moet in kwarantyn bly totdat hulle negatief toets vir die virus.

As jy simptome toon, word jy in elk geval weer getoets al het jy ‘n toetssertifikaat wat toon dat jy negatief getoets het; jy moet dan in kwarantyn bly totdat jy jou uitslag ontvang.

  • Suid-Afrikaners in hoërisikolande mag huis toe kom.

Suid-Afrikaners in hoërisikolande sal toegelaat word om huis toe te kom, maar die regering sal diegene met simptome onder kwarantyn plaas.

  • Grense bly gesluit vir nie-Suid-Afrikaners uit hoërisikolande.

Reisigers uit hoërisikolande word nog nie toegelaat om die land binne te kom nie. Reisigers uit alle Afrikalande word egter toegelaat om Suid-Afrika vir sake of ontspanning te besoek.

  • 35 grensposte wat tydens die pandemie gesluit was, bly gesluit.

Die hoofrede is dat die land nie die vermoë het om almal wat deur daardie grensposte wil kom te sif nie. Die grensposte wat tans oop is, sal oop bly.

  • Alle internasionale reisigers moet die Covid Alert SA-app met hulle aankoms in Suid-Afrika aflaai.
  • Internasionale reisigers moet verpligte reisversekering hê.

Dit moet die moontlike koste van ‘n Covid-19-toets en kwarantyn dek.

  • Suid-Afrikaners kan nou weer aansoek doen vir ID’s, paspoorte en visums.
  • Visums wat verval het, bly geldig tot 31 Januarie 2021.
  • Die volgende word tans op grond van Covid-19-statistieke as hoërisikolande beskou:

Albanië, Argentinië, Armenië, Oostenryk, Bahrein, België, Bolivië, Bosnië-Herzegowina, Brasilië, Chili, Colombië, Costa Rica, Kroasië, Tsjeggië, Denemarke, Ecuador, Frankryk, Georgië, Griekeland, Guatemala, Guyana, Honduras, Hongarye, Ysland, Indië, Iran, Irak, Ierland, Israel, Jamaika, Jordanië, Koeweit, Libanon, Luxemburg, Maledive, Malta, Meksiko, Moldawië, Montenegro, Nepal, Nederland, Noord-Masedonië, Oman, Palestina, Panama, Paraguay, Peru, Portugal, Puerto Rico, Katar, Roemenië, Rusland, Slowakye, Suriname, Switserland, Oekraïne, Verenigde Arabiese Emirate, Verenigde Koninkryk, VSA, Venezuela.

Die lys sal gereeld hersien en by die jongste Covid-19-statistieke aangepas word.

Meer oor die outeur

Sue-Ann de Wet

Sue-Ann de Wet is die Bestuurder van Diaspora by AfriForum.

Soek

Volg ons op

Moet lees artikels

Lapa Uitgewers: Ouma Mollie en die mensvreter

Lapa Uitgewers: Ouma Mollie en die mensvreter

Ouma Mollie en die mensvreter Fanie Viljoen Haar naam is Mollewania Mollewiekus Nagtegaal. Maar jy kan haar sommer net ouma Mollie noem – die grootse moeilikheidmaker op Seeperdjiebaai. Gelukkig hou Nina haar ouma (gewoonlik) uit die moeilikheid. Vandag is egter nie...

Oom Paul, sy soldate en die plein

Oom Paul, sy soldate en die plein

Terwyl die storms oor die geskiedenis woed en betogers onlangs nog met spuitverf rondom Paul Kruger se standbeeld op Kerkplein in Pretoria gedans het, staar dié ou staatshoof in stilte in die verte. Sy klipvoete staan dalk nou (nog) rustig op Kerkplein met sy...

Resep: Sjokolademousse-kaaskoek

Resep: Sjokolademousse-kaaskoek

deur, Marinda Kook Maak 'n lekker nagereg vir jou en jou familie saam met Marinda Kook. Bestanddele 250 g roomkaas 250 g mascarpone 160 ml strooisuiker 60 ml kakao 250 ml room 5 ml vanielje 1 Lindt sjokolade 30 ml melk 1 pakkie oreokoekies 60 ml botter gesmelt Metode...

Nuusbrief

Kontak ons

Maak 'n donasie

Wêreldwyd vriende

Jy sal ook dalk hiervan hou…

Teken in op die Kollig-nuusbrief en bly betrokke

Jy het suksesvol ingeteken!

Pin It on Pinterest