Almal ken die liedjie Daar kom die Alibama, maar min mense ken die interessante geskiedenis van die skip wat 147-jaar gelede in Kaapse waters aangekom het.
Die Alabama is op 15 Mei 1862 in Liverpool, Engeland, te water gelaat. Dit was ‘n oorlogskip wat aan die kant van die Suidelike State van Amerika in die Amerikaanse burgeroorlog geveg het, hoewel die bemanning grotendeels uit Britte bestaan het. Die Alabama wou verhoed dat voorrade die Noordelike State bereik en het tussen 200 en 300 handelsskepe buitgemaak of gesink tydens haar bestaan. Een van die spannende gevegte het op 6 Augustus 1863 in Tafelbaai plaasgevind, waar die Alabama in ‘n geveg met die skip Sea Bride gewikkel was. Die Kapenaars het strand toe gestroom en die geveg angstig dopgehou. Die stryd het die Kaap op geen wyse geraak nie, maar was ‘n skouspel waaraan hulle nie gewoond was nie.
Dié keer het die Alabama gewen, maar op 20 Junie 1864 was sy nie so gelukkig nie. Sy is naby die Franse kus deur die Noordelike State se fregat, Kearsarge gesink. Weer het ooggetuies van die Franse en Britse kus af die geveg dopgehou. Dit was die einde van ‘n skip met ‘n merkwaardige rekord:
Upon the completion of her seven expeditionary raids, Alabama had been at sea for 534 days out of 657, never visiting a single Confederate port. She boarded nearly 450 vessels, captured or burned 65 Union merchant ships, and took more than 2,000 prisoners without a single loss of life from either prisoners or her own crew.
Al het die Alabama kwalik twee jaar lank die see bevaar, leef haar legende steeds voort in ons volksliedjie.
Bronne:
- Wallis, Nuusdagboek, Human en Rousseau, Kaapstad, 2000.
A.J. Böeseken, Die Nuusbode, Nasou, Kaapstad, geen datum.
