Die tekstiel kunstenaar Anni Albers het gesê dat kuns ons met ‘n ander tipe vreugde laat asemhaal. Maak nie saak wie jy is nie, daar is niks wat ons aandag so kan trek soos ‘n kunswerk nie. Hierdie week se onderneming in die kollig lyk dan ook bietjie anders met Frank Pretorius Art in die VK.
Frank Pretorius is ‘n gemengde media kunstenaar wat al sy lewe lank skilder, hy deel gereeld herinneringe waar hy onder sy ouers se bed gaan lê het en ‘n geheime wêreld met karakters opgetower het, elke geleentheid wat hy gekry het, het hy karakters tot sy visuele storie bygevoeg. Na twintig jaar in die bemarkingswêreld en nadat Pretorius homself in Londen gevestig het, het hy besluit om voltyds te skilder.
Pretorius is ‘n passievolle storieverteller en doen dit deur sy kuns. Sy kuns vertel die storie van die vergete Porsche 550A Spyder wat vir veertig jaar in ‘n motorhuis versteek was en van die wilde, bedreigde diere in Afrika. Altyd opsoek na ‘n storie en altyd aan die skilder. Frank Pretorius is gereed om die wêreld met sy kunswerke te betower!
Besoek Frank Pretorius se webblad hier
Besoek Frank Pretorius se profiel op die Wêreldgids hier
Lys jou onderneming hier
Deel op
