Leesvordering:

Meervoudige burgerskappe – Wat jy moet weet

Feb 25, 2016

Globalisering veroorsaak dat mense al meer migreer en uiteindelik ook vir al meer burgerskappe in aanmerking kom.  Sommige lande is baie streng oor die toelaatbaarheid van meer burgerskappe wanneer dit hulle burgers aangaan, byvoorbeeld Zimbabwe en Duitsland (omtrent twee uiteenlopende twee pole op die skaal van demokrasie).

Suid-Afrika laat meerdere burgerskappe toe.  Mense kwalifiseer byvoorbeeld vir Suid-Afrikaanse burgerskap op grond van herkoms, geboorte (nie onder alle omstandighede nie, die status van die ouers speel ‘n deurslaggewende rol) en naturalisasie.  Wanneer ‘n Suid-Afrikaanse burger ‘n ander land se burgerskap wil aanvaar, is dit noodsaaklik dat hy / sy eers om behoud van die Suid-Afrikaanse burgerskap moet aansoek doen en sodanige toestemming om behoud moet ontvang, voordat om die ander burgerskap aansoek gedoen word.  As die toestemming nie eers ontvang word nie, mag so ‘n Suid-Afrikaner sy / haar Suid-Afrikaanse burgerskap verloor.

Uitgerekte argumente word hieroor gevoer, organisasies dreig met regsoptrede en probeer bewys dat Suid-Afrikaanse burgerskapwetgewing in die verband ongrondwetlik is, maar terwyl geen toetssaak hieroor nog in die howe was nie, bly die wetgewing van krag en moet Suid-Afrikaners dit in gedagte hou as hulle nie hulle Suid-Afrikaanse burgerskap wil verloor nie.

‘n Verdere vereiste wat geld, is dat ‘n burger van Suid-Afrika wat meerdere burgerskappe het, altyd moet sorg dat sy / haar Suid-Afrikaanse paspoort geldig bly, en wanneer na Suid-Afrika gereis word, moet die Suid-Afrikaanse paspoort sonder uitsondering gebruik word om Suid-Afrika binne te kom en die land weer te verlaat.

Navrae oor burgerskapkwessies kan enige tyd aan Wêreldwyd gestuur word by wereldwyd@afriforum.co.za.

Meer oor die outeur

AfriForum Wêreldwyd

Soek

Volg ons op

Moet lees artikels

Onderneming in die Kollig: Wolkskool

Onderneming in die Kollig: Wolkskool

Hierdie week se kollig is op Wolkskool. Wolkskool is gratis op Wêreldwyd se Wêreldgids gelys. AfriForum Wêreldwyd se Wêreldgids is waar Suid-Afrikaanse ondernemings van regoor die wêreld bymekaarkom om ’n gemeenskap te vorm. Op dié manier raak...

Uit en tuis: ’n e-pos uit Malta

Uit en tuis: ’n e-pos uit Malta

Uit en tuis is ’n rubriek waarin ons gesels met mense wat in die buiteland woon, of wat daar gewoon en gewerk het, maar weer terug is in Suid-Afrika. Ons hoor graag van enigeen wat hul belewenisse met ons wil deel. Vandeesweek gesels ons met Renzo Harmse, wat...

Maroela Media: Nuushooftrekke van die week

Maroela Media: Nuushooftrekke van die week

Deur Suné van Heerden Maroela Media is ’n Afrikaanse internetkuierplek waar jy alles kan lees oor dit wat in jou wêreld saak maak – of jy nou in Suid-Afrika bly, of iewers anders woon en deel van die Afrikaanse Maroela Media-gemeenskap wil wees....

AfriForum TV

Nuusbrief

Kontak ons

Maak 'n donasie

Jeugblad

Jy sal ook dalk hiervan hou…

Teken in op die Kollig-nuusbrief en bly betrokke

Nuusbrief/Newsletter

Jy het suksesvol ingeteken!

Pin It on Pinterest