Leesvordering:

Natuurhoekie – Afrika-pikkewyne

Aug 12, 2021

Hierdie keer gee ons Katie en André se Two-V Productions ’n blaaskansie en deel ’n paar foto’s wat Alana verlede week van die Afrika- of brilpikkewyne (Spheniscus demersus) by Simonstad geneem het met julle.

Die pikkewynkolonie by Boulders- en Foxy-strande is wêreldberoemd. Van net twee broeipare in 1982 het dié groep tot ongeveer 2 200 aangegroei. Sommige bou neste onder die struike langs die strand of op die strand, terwyl ander die kunsmatige nesstrukture wat vir hulle beskerming geskep word, benut.

Wanneer ’n kansvatter meeu eiers kom probeer steel, verdedig die pikkewyne saam hulle kolonie, soos die foto’s aandui. Hierdie ou moes met onverrigte sake padgee. ’n Plaaslike pikkewynentoesias vertel dat die meeue soms deurmekaar raak en in plaas van eiers, balletjies van die nabygeleë gholfbaan steel!

Hoewel Februarie die begin van die vernaamste broeityd is, sien ’n mens tans ook heelwat pikkewyne op eiers, asook kuikens met hulle kenmerkende bruin donsvere. Sowat 60 dae na ’n kuiken uitgebroei het, het die donsvere verdwyn en is dit oortrek met blouerige vere wat beteken die kuiken is gereed om in die see te begin swem. Na ’n jaar of twee word die blou vere deur die kenmerkende swart en wit vere vervang. Op ongeveer vier jaar, begin pikkewyne broei.

Pikkewyne mag lomp lyk wanneer hulle op Moeder Aarde rondwaggel, maar in die golwe duik en sweef hulle soos geen mens hulle kan nadoen nie!

Die bruin kuikens wat soos teddiebere lyk en die kostelike postuurtjies van volwasse pikkewyne mag ’n mens laat dink dat hulle vertroetel kan word, maar soos kennisgewingborde oral herinner, kan hulle bitter seer byt!

In die pienk area bokant hulle oë help kliere met termoregulering – met ander woorde, bloed vloei na dié area om deur die kliere afgekoel te word sodat die pikkewyn se liggaamstemperatuur onder beheer bly.

Hulle kan tot 27 jaar oud word in die natuur en 30 jaar in aanhouding.

 

LEES OOK: Natuurhoekie – Bruinkoppapegaai 

Meer oor die outeur

Alana Bailey

Alana Bailey is Hoof van Kultuursake by AfriForum.

Soek

Volg ons op

Moet lees artikels

Onderneming in die Kollig: Meat Point Switserland

Onderneming in die Kollig: Meat Point Switserland

Wêreldwyd se Wêreldgids skep ’n suksesvolle netwerk om Suid-Afrikaners in die buiteland met mekaar in aanraking te bring sodat jy Suid-Afrikaanse ondernemings in jou omgewing kan ondersteun. Vat die kans en word deel van hierdie netwerk. Netwerke is nie net vir...

Leesgenot vir die jongspan: ʼn Boek vir Desember

Leesgenot vir die jongspan: ʼn Boek vir Desember

Hou die kinders besig gedurende die skoolvakansie! Briewe van Mieliepit Ontmoet vir Mieliepit: ’n baie pittige troetelhoender van Bloemfontein. ’n Bietjie lui (sal sy self erken), en baie lief vir gesels, skryf sy die allersnaakste briewe aan ene Liefsteling. Sy...

Nuusbrief

Kontak ons

Maak 'n donasie

Wêreldwyd vriende

Jy sal ook dalk hiervan hou…

Teken in op die Kollig-nuusbrief en bly betrokke

Nuusbrief/Newsletter

Jy het suksesvol ingeteken!

Pin It on Pinterest