Wahlberg se arend (Hieraaetus wahlbergi) staan in Afrikaans ook bekend as die bruinarend. Hulle is vernoem na die Sweedse natuurkundige, Johan August Wahlberg. Hulle kleur is polimorf, wat beteken elke individu se kleurskakerings is uniek. Dit strek van donker sjokoladebruin tot donkergrys. Hulle kom veral in boomryke savannes in sub Sahara voor. Na raming is daar sowat 50 000 pare in Suid-Afrika. Die dieet van dié arende bestaan hoofsaaklik uit reptiele, veral akkedisse en slange. Verder jag hulle klein en mediumgrootte voëls, asook klein soogdiere.
Die beeldmateriaal is andermaal deur Katie en André van Two-V Productions voorsien. Hartlik dank aan hulle hiervoor! Teken asseblief in op hulle YouTube-kanaal en volg hulle Facebookblad. Boeke in hulle Op Vlerke-reeks kan van Kraal Uitgewers bestel word en is eersdaags ook weer in die winkels in ruskampe van die Nasionale Krugerwildtuin beskikbaar. Dit sluit die vierde boek in die reeks wat onlangs verskyn het, in.
LEES OOK: Natuurhoekie – Die ooievaar besoek Rietvlei Natuurreservaat