AfriForum Wêreldwyd deel gereeld inligting oor die natuurlewe in Suid-Afrika in Natuurhoekie, maar ons is ook nuuskierig oor hoe die natuurlewe in ander uithoeke van die wêreld lyk.

Jolene Harley se staaltjie uit Duitsland het ons hart gesteel …

Naby ons by Forchheim in Beiere (Duitsland) is ’n dorpie en ’n woud met bambi-bokkies (herte). Hulle slaap tjoepstil in die lang gras. Quentin se kollega was een oggend laat vir klas want dit was grassnydag langs die nasionale pad. Hier in Duitsland is daar nie wildheinings om die woudgebiede nie en die diere kan vryelik migreer.

Vrywilligers gebruik hommeltuie met infrarooi kameras om die bokkies te vind. Dan word hulle oortjies gemerk vir navorsing en hulle word op fietswaentjies gelaai om hulle veilig te hou tot die gras klaar gesny is. Daarna word hulle weer teruggeplaas. Hulle hardloop nie weg vir die grassnyer nie. Dink seker as jy bly lê, dan word jy nie geëet nie.

Verbeel jou dis jou werkie as vrywilliger. Ek wil aanmeld.

Jolene Harley

Skryf vir ons

Is jy lief vir die natuur? Het jy al enige interessante dieremaniere dopgehou of pragtige landskappe in die buiteland ontdek? Deel jou staaltjies met ons by wereldwyd@afriforum.co.za