Suid van Satara in die Krugerwildtuin skerm ’n kameelperdbul met twee jong kameelperde om hulle vir die volwasse lewe voor te berei. Die kleiner een neem gretig deel, terwyl die ander een dophou en net nou en dan betrokke raak. Teen die einde van die video (3 minute en 12 sekondes van die begin af) kan ’n mens duidelik hoor hoe die groot kameelperd proes – kyk net hoe beweeg sy ribbekas. In die natuur kan kameelperde sowat 25 jaar oud word, maar in aanhouding selfs 28 jaar of meer.
Hierdie beeldmateriaal behoort aan Katie en André van Two-V Productions. Teken in op hulle YouTube-kanaal en volg hulle Facebookblad. Boeke in hulle Op Vlerke-reeks kan van Kraal Uitgewers bestel word. Dit is slegs in Afrikaans beskikbaar en kan ook by winkels in ruskampe van die Nasionale Krugerwildtuin gevind word.
