Ons maak toe ’n tweede draai in Bloemfontein, waar ek genooi is om as beleidspreker op te tree saam met Terror Lekota en prof. Francis Petersen, rektor van die Universiteit van die Vrystaat (UV), by die Small Business Institute (SBI) – onlangs nog bekend as die Afrikaanse Handelsinstituut (AHI) – se Vrystaatse indaba. Die tema van die indaba was klein- en mediumsakegroei in Suid-Afrika. Theo Vorster, bekende TV-aanbieder en uitvoerende hoof van Galileo Capital, het die paneelbespreking gelei.
My jongste Klipkouers-onderhoud is ook toevallig met Theo gevoer. Luister Episode 61 HIER met Theo Vorster
Die drie probleem- en geleentheidspunte wat my na aan die hart lê is soos volg:
Suid-Afrika se onontginde geleentheid as witboordjiefabriek
- Geleentheid vir meer buitelandse besighede om produk- en diensbehoeftes na Suid-Afrikaanse besighede uit te bestee. Byvoorbeeld, met Klipkouers spandeer ek my Britse ponde op Afrikaanse klankingenieurs, transkripsiedienste, webtuistedienste, ontwerpers, ensovoorts.
Die tekort aan praktiese besigheidsopleiding en hulpbronne vir sowel bestaande sakeondernemings as besigheidstudente
- Besigheidsopleiding op universiteitsvlak is meestal teoretiese nonsens en berei studente glad nie voor vir die werksplek en besigheid nie.
- Bestaande besigheidseienaars het ook nie toegang tot relevante en praktiese opleiding ten einde hul besighede te groei of te verbeter nie.
Die tekort aan internskapprogramme
- Meeste universiteite skakel glad nie met die privaat sektor nie. Studente is op hulself aangewese om werk te soek.
- Internskapprogramme bied aan bestaande of nuut gegradueerde studente die geleentheid om hul hande vuil te maak en werklik iets te leer.
- Internskapprogramme verwyder die “ysberg-effek”, wat behels dat jy nie kan sien wat werklik onder die water aangaan nie. Dit help werkgewers om die room van die oes te identifiseer in ’n land waar gevaarlike “pro-werknemerarbeidswetgewing” aan die orde van die dag is.
Soos jy teen nou al weet (of nie) het ek my eerste reeks digitale produkte geloods. Die eBoek is ’n besigheidshulpbron van 62 bladsye en bevat 104 verkoopstrategieë en besigheidsfoute van Afrikaner-besigheidsghoeroes, asook ’n splinternuwe KLIPKOUERS-digitydskrif. Klik hier vir meer inligting.
