Leesvordering:

Nuut by LAPA in Desember

Des 12, 2019

Die jaar is om. Skop jou skoene uit. Lees ’n lekker boek. Baie, baie dankie aan almal wat LAPA en ons drukname so ondersteun het hierdie jaar.

Niefiksie

A Road Called Down on Both Sides

Caroline Kurtz

Imprint: Catalyst Press

Memoir

9781946395153

R245,00

Vra maar ’n sendingkind: Jy het nooit regtig behoort nie; nie daar waar jou ouers gewerk het nie, ook nie in Suid-Afrika waar jy uiteindelik kom skool gaan of op universiteit probeer vriende maak het nie.

Kinders wat in vreemde kulture groot word, besef dikwels later, as volwassenes, dat hulle sekere sosiale vaardighede gewoon nooit aangeleer het nie.

Vandag word daar baie studies oor hierdie onderwerp gedoen, maar vir baie sendingkinders het dié navorsing te laat gekom.

Caroline Kurtz skryf van binne. Sy was daar. Sy was ’n sendingkind.

Vir haar was die navorsing ook te laat.

Vir die jongspan

In Opleiding-reeks

Cath Ard

Drukaam: LAPA

Kinderniefiksie

Ouderdom: 7+

9780799392500 (Veearts)

9780799392517 (Atleet)

9780799392531 (Brandbestryder)

9780799392524 (Kodeerder)

R140,00

Met oorgenoeg nuttige inligting en interessante feite oor die lewens van hierdie verskillende beroepsmense, sal dié boeke jong lesers leer hoe om diere te versorg, hoe om ’n topatleet te wees, hoe brandveiligheid werk en hoe om te kodeer.

Veearts in opleiding is propvol nuttige inligting. Vind meer uit oor die verskillende tipes veeartse, hoe ’n veeartspraktyk werk, hoe om diere se liggaamstaal te verstaan en hoe om gesondheidsprobleme te diagnoseer en behandel.

Atleet in opleiding bevat alles wat jong lesers wil weet oor hoe om ’n atleet, sportman of sportvrou te wees. Kinders kan meer leer oor hoe om ’n topatleet te wees en ’n prettige toets doen om te sien in watse sportsoort hulle die beste sal presteer.

Brandbestryder in opleiding bevat brokkies inligting oor brandveiligheid en sal jou alles leer van die belangrike werk wat brandbestryders doen.

Kodeerder in opleiding bevat inligting oor hoe om kodes te skep, watter vaardighede ’n kodeerder nodig het en hoe om jou eie webwerf te skep.

My groot lofkleuterbybel

Jan de Wet

Kleuterniefiksie

Druknaam: LAPA

Ouderdom: 5+

9780799398144

R220.00

Lees, luister en geniet die Bybelverhale, -liedjies en illustrasies saam met jou kleuter. Die Bybelverhale is geskryf om saam met die skrywer se voorlesings en liedjieopnames gebruik te word. ’n QR kode word in die boek ingesluit wat lesers gratis toegang bied tot die skrywer se voorlesings en liedjieopnames. Kleuters kan na die voorgeleesde opnames en liedjies luister terwyl hulle na die illustrasies kyk.

Jy kan óf die kleuter aan die Bybelverhale bekend stel deur dit voor te lees terwyl hy of sy na die illustrasie kyk, óf deur saam na die storie op die opname te luister.

Terwyl elke Bybelverhaal met groot sorg getrou aan die Skrif oorvertel word, is die taalvlak en die ontwikkeling van ’n gesonde Godbegrip by die kleuter in ag geneem by die skep van hierdie publikasie.

Deurgaans word Bybelse waardes deur die teks en illustrasies beklemtoon.

Gebruik die illustrasies om gesprekke met jou kleuter te stimuleer.

Ná die Bybelverhaal is daar ’n gebed wat jy saam met jou kleuter kan bid. Let ook op na die dierevriende wat die Bybelreis saam met die kleuter af lê. Die diere help die kleuter om te onthou wat die hoofboodskap of -waarde van die verhaal is.

Keegan en Samier

André Trantraal

Kinderfiksie

Druknaam: LAPA

Ouderdom: 7+

9780799397666

R60,00

Ontmoet vir Keegan en Samier. Hulle is beste vriende en Samier se tweelingsussie, Samia, kuier ook gewoonlik saam. Dan is daar ook Jenni-Lee, Keegan se klein sussie, en Keegan se slim en streng ouma. Saam het hierdie vriende hope heerlike avonture! Ongelukkig is Brent Petersen, die klasboelie, altyd daar om dinge bietjie te versuur …

Hierdie splinternuwe reeks, geskryf en geïllustreer deur André Trantraal, is perfek vir beginnerlesers. Die stories is eenvoudig, identifiseerbaar en geskryf met ’n lekker pas wat lesers se aandag sal hou.

Drama

Môre as ons groot is

Fanie Viljoen

Tienerdrama – slegs as e-boek te koop

Druknaam: LAPA

Ouderdom: 15+

9780799397147

R150.00

Dis matriekafskeid – die wonderlikste aand in elke tiener se lewe. Maar wat gebeur wanneer dit verby is, wanneer selfs die after party end kry? Vier jongmense staan op die grens van hulle grootmenslewe. Liza, Quin, Noku en Wayne kom elkeen uit verskillende agtergronde en die toekoms lyk ook vir elkeen van hulle anders.

Vanaand neem hulle afskeid van hulle skool, hulle vriende, hulle kindwees… en dalk hulle drome.

Hierdie sonderlinge tienerdrama sal as e-boek te koop wees op LAPA se webruimte.

Romanse

Sonvanger

Frenette van Wyk

Druknaam: LAPA

SuperRomanza

9780799396768

R240,00

Narissa is ’n volbloedhippie. Sy is optimisties oor die lewe en sy het ’n wil van haar eie. Sy glo daarin dat ’n mens die lewe moet geniet en oomblikke van blydskap vir jouself moet skep. Sy gaan vir haar die son se lag vang op Springbok. Haar grootste irritasie op twee bene is Franz Lamont, meneer volg-die-regte-pyltjies, baie aantreklik, baie bitter, en hy ry ’n vintage hippie kombi met daisies op die deure soos sy nog altyd wou hê. Hy stem nie saam met haar lewensopvatting nie. Pret en plesier is net vir ’n oomblik, en van min waarde. Werk, reëls nakom en dinge reg doen, is belangriker, en die swaar tye van die lewe weeg ook swaarder.

Want hy praat tjoklits

Elsa Winckler

Druknaam: Romanza

Romanse

9780799396645

R95,00

Friede Tredoux het ’n slegte stel met ’n branderplankryer afgetrap. Hy’t nie gewerk nie en het geen toekomsvisie gehad nie. Sy ontmoet vir Matthys Combrink op Philadelphia terwyl sy en Jody by Leah kuier. Hy bak brood by die plaaslike deli. Sy is ’n arbeidsterapeut op George en begin oefen vir ’n marathon. Tot haar verbasing is Matthys een Saterdagoggend ook daar. Daar is beslis allerhande vibrasies wanneer sy naby hom is, maar sien sy kans vir ’n man wat brood bak vir ’n lewe?

Die onwillige strooimeisie

Alma Carstens

Druknaam: Romanza

Romanse

9780799396676

R95,00

Zita vra die onmoontlike van Anja.  Om haar strooimeisie te wees is een ding, maar om darem in haar vriendin se afwesigheid vir Alec, Zita se verloofde, te moet help met hulle troureelings, is hopeloos te veel gevra.  Want wat Zita nie weet nie, is dat Anja ook haar hart op Alec verloor het. Alec is ’n werkolis wat meeste van sy tyd op kantoor bestee, maar Zita oortuig hom om Anja te help om hulle troue te reël terwyl sy vir nege maande Londen toe gaan. Hy stem teensinnig in, maar sou nooit kon raai tot watter uiteinde hierdie besluit sou lei nie.

Wat jy gee

Karlien Badenhorst

Druknaam: Romanza

Romanse

9780799396737

R95,00

Mieke Küsler is terug in die Laeveld na drie jaar oorsee. Sy weet dat Migal Roos, haar oud-universiteitsvriend, ’n dokter is in die stad. Gelukkig hoef sy nie bang te wees om hom raak te loop nie. Hy het hulle vriendskap beëindig die aand voor sy op die vliegtuig geklim het met ’n vinnige en hartstogtelike soen. Sy het gehoop hy sal haar vra om by hom te bly, maar sy het nooit weer iets van hom gehoor nie. Die noodlot bring hulle bymekaar in die dokter se spreekkamer. Haar angstigheid om saam met haar kêrel Nederland toe te gaan oor ’n paar dae, raak al hoe meer ondraaglik nou dat sy terug in Suid-Afrika en in Migal se teenwoordigheid is.

Ter wille van Nina

Cheryl Rogers

Druknaam: Romanza

Romanse

9780799396706

R95,00

Olivia droom baie aande van ’n sorgsame wonderlike man met blougroen oë. Sy kan die kleur van sy oë in haar drome uitmaak, maar nooit sy gesig nie. Toe haar pad met dié van Zak Brunner kruis, lyk sy oë vir haar só bekend, nes dié in haar drome, maar sy is oortuig Zak kan onmoontlik die man wees van wie sy droom. In haar drome voel sy altyd veilig en gekoester. Sy is nie bang vir die man nie en sy vertrou hom onvoorwaardelik. Maar Zak maak haar benoud en sy vertrou hom nie so ver as wat sy hom kan sien nie. Maar Olivia het ’n sagte plekkie vir Zak se dogtertjie, Nina, en ter wille van Nina begin sy tyd saam met Zak deurdring. Haar opinie oor Zak verander mettertyd, en toe hy haar vra om met hom te trou, sodat hy voogskap oor Nina kan behou, oorweeg sy dit baie sterk. Sy wéét sy is lief vir Nina en sal amper enigiets doen om haar te beskerm, maar is dit genoeg rede om met Zak te trou?

 

Meer oor die outeur

AfriForum Wêreldwyd

Soek

Volg ons op

Moet lees artikels

Maroela Media: Nuushooftrekke van die week

Maroela Media: Nuushooftrekke van die week

Deur Suné van Heerden Maroela Media is ’n Afrikaanse internetkuierplek waar jy alles kan lees oor dit wat in jou wêreld saak maak – of jy nou in Suid-Afrika bly, of iewers anders woon en deel van die Afrikaanse Maroela Media-gemeenskap wil wees....

Afrikaans is Groot hou vir ’n 11de keer konsert en jy kan wen!

Afrikaans is Groot hou vir ’n 11de keer konsert en jy kan wen!

In ’n wêreld vol onbekendes is daar een bekende: Afrikaans is Groot. Dis ’n saamkomplek omjou taal, jou kultuur en jou menswees te vier. En die jaar is geen uitsondering wanneer diegrootste familie-reünie nóg vanaf 8 to 17 November 2024 in die SunBet Arena in...

AfriForum vier 18 jaar van selfdoen

AfriForum vier 18 jaar van selfdoen

AfriForum, ’n organisasie wat vandag meer as 315 000 lede in elke uithoek van die land verteenwoordig, vier vandag sy agtiende bestaansjaar. Dié burgerregteorganisasie is op 26 Maart 2006 vir die eerste keer aan die publiek bekendgestel in ’n berig oor sy...

AfriForum TV

Nuusbrief

Kontak ons

Maak 'n donasie

Jeugblad

Jy sal ook dalk hiervan hou…

Teken in op die Kollig-nuusbrief en bly betrokke

Nuusbrief/Newsletter

Jy het suksesvol ingeteken!

Pin It on Pinterest