Sewe nuwe flieks op ShowMax Internasionaal
As jy ’n oorsese ShowMax-intekenaar is, is jy in vir ’n bederf met sewe sterbelaaide nuwe Suid-Afrikaanse flieks wat in April en Mei na jou skerm kom. Hier is waarna jy kan uitsien.
- Johnny Is Nie Dood Nie
Herleef die opkoms van die Voëlvry-beweging in hierdie bekroonde film wat sewe toekennings van die toonaangewende Silwerskermfees ingepalm het.
- Abraham
Abraham is sonder twyfel een van die beste Suid-Afrikaanse films wat nog ooit gemaak is en is ’n diepsinnige meesterwerk wat ’n onvergeetlike verhaal vertel wat jou hart sal breek; ’n storie wat aansluit by wie ons as Suid-Afrikaners is en hoe ons by die bestel van die wêreld inpas.
- Dis Koue Kos, Skat
’n Suid-Afrikaanse fliek uit die boonste rakke wat spog met pragtige rolprentfotografie, ’n bo-aan-die-lys rolverdeling en wêreldklas regie. Dit is waarlik ’n lus vir die oog in elke sin van die gesegde.
- Twee Grade Van Moord
Twee vroue, twee moorde en ’n sterbelaaide rolverdeling en verbasende kinkels maak hierdie Afrikaanse fliek verpligtend om te kyk.
- Nul Is Nie Niks Nie
Drikus se liefde vir die lewe en sy vasberadenheid bring hierdie halfdooie gemeenskap bymekaar en gee hulle weer nuwe lewe. Kyk hierdie bemoedigende storie oor die lewe, die dood en alles tussenin.
- Jou Romeo
Yvette en Tyler is die skool se drama-bleeksiele wat gedwing word om met ’n plan vorendag te kom wanneer die fondse vir hul vervaardiging van Romeo en Juliet op die nippertjie gesny word. Dit behels die werwing van die gewildste seun in die skool – maar nie almal is opgewonde wanneer Marko sy wit krieketbroek vir ’n Shakespeare-kleefbroek verruil nie…
Geskeduleer om op 16 Mei op ShowMax Internasionaal af te skop.
- Jagveld
Hierdie is die storie van skoolonderwyser Emma le Roux (Leandie du Randt) wat ’n gruwelmoord sien gebeur en dan in die Karoo deur die moordenaars agtervolg word, wat geen benul van haar geheime geslepe agtergrond in gevegkuns het nie. Jagveld is ’n moet-sien – die perfekte aksiefliek vir ’n Vrydagaand by die huis.
Geskeduleer om op 23 Mei op ShowMax Internasionaal af te skop.
Nog nie ’n ShowMax-intekenaar nie?
Let wel: Hierdie flieks is slegs beskikbaar aan internasionale ShowMax-intekenaars in Andorra, Australië, Oostenryk, België, Kanada, Denemarke, Finland, Frankryk, Duitsland, Griekeland, Ysland, Indonesië, Ierland, Italië, Liechtenstein, Luxembourg, Malta, Monaco, Nederland, Nieu Seeland, Noorweë, Portugal, San Marino, Spanje, Swede, Switserland, die Verenigde Koninkryk en die Verenigde State. Nie alle titels is in alle gebiede beskikbaar nie. ShowMax bied jou die beste Suid-Afrikaanse reekse en flieks – van die klassieke tot die nuutste vrystellings; van volledige reekse tot kindergunstelinge.
