Dis koue kos, skat is ’n romantiese komedie met ’n reuse, warm hart. Vanaf 12 Maart kan ShowMax se internasionale intekenare agteroorsit om aan dié heerlike fliek te smul. Die fliek is gebaseer op die topverkoperroman deur Marita van der Vyver en Anna-Mart van der Merwe speel die rol van Clara Brand, ’n vrou wat deur haar middeljarige man (Deon Lotz) vir ’n jong bokkie (Angelique Gerber) ingeruil word. In die nadraai van die egskeiding begin Clara haar passie vir kookkuns uitleef en uiteindelik ontmoet sy vir Ari (Frank Opperman), ’n man wat met net soveel oorgawe as sy kook – en dan begin die vonke spat! Regisseur Etienne Fourie (Die windpomp, Liewe Kersfeesvader) het saam met Marita van der Vyver die boek tot draaiboek verwerk, en onder sy regisseurshand lewer die spelers fantastiese vertolkings. Elzabé Zietsman steel die kollig as Clara se beste vriendin Minette, en Riaan Visman en Bouwer Bosch sorg ook vir komiese oomblikke. Dis koue kos, skat is ’n wêreldklasfliek, vergelykbaar met treffers soos Love, Actually en Notting Hill wat jou weer sal laat glo in die liefde – en lus maak vir smaaklike kos!
Maroela Media: Nuushooftrekke van die week
Deur Suné van Heerden Maroela Media is ’n Afrikaanse internetkuierplek waar jy alles kan lees oor dit wat in jou wêreld saak maak – of jy nou in Suid-Afrika bly, of iewers anders woon en deel van die Afrikaanse Maroela Media-gemeenskap wil wees....
