Wêreldwyd se Wêreldgids het ’n suksesvolle netwerk geskep om Suid-Afrikaners in die buiteland met mekaar in aanraking te bring sodat jy Suid-Afrikaanse ondernemings in jou omgewing kan ondersteun. Wêreldwyd kies elke week een onderneming uit die Wêreldgids om in die Kollig te verskyn. Vandeesweek is Bushman Meats in Melbourne in die kollig.
Wat is die geheim agter Bushman Meats se boerewors? Is dit net die heerlike smaak en konsekwente gehalte, of wat maak dit so spesiaal?
Die antwoord lê in persoonlike trots. Die eienaar, Marietjie Pereksles, sorg dat elke worsie volgens ’n outentieke, beproefde familieresep gemaak word sodat jy konsekwent heerlike worsies van uitstekende gehalte kry.
Die bewaarder van die gewilde familieresepte wat van geslag na geslag oorgedra word, is Len Pereksles. Hy is ’n legende in die Suid-Afrikaanse vleisbedryf wat meer as 52 jaar gewy het aan die vervaardiging van vleisprodukte van hoogstaande gehalte. Oupa PX soos hy liefderik genoem word, woon steeds in Estcourt, KwaZulu-Natal, Suid-Afrika, aan die oewer van die Boesmansrivier waar hy steeds boerewors maak.
Die meeste lede van die Pereksles-familie woon in die Estcourt-omgewing en baie werk vir die beroemde Eskort Bacon Co-Op. Len self was meer as 30 jaar die fabrieksbestuurder.
’n Mens kan sê om heerlike worsies te maak, is ’n familietradisie!
Kontak Bushman Meats
Telefoon: 021 212 1398
E-pos: maria@bushmanmeats.com.au
Klik hier om Bushman Meats op Facebook te besoek.
Klik hier om Bushman Meats op Wêreldwyd se Wêreldgids te besoek.
