Leesvordering:

Onderneming in die Kollig: Curious Readers (Tippie)

Sep 4, 2023

Dié week val die kollig op ’n onderneming spesiaal vir ons jong maatjies in die buiteland. Tippie is die geliefde pers olifantjie in Curious Readers se reeks opvoedkundige leesboekies. Tippie is trots Suid-Afrikaans en beleef allerhande avonture waarmee kinders kan identifiseer.

Die Tippie-reeks is gebore uit ’n ma en dogter se passie vir die onderwys. José Palmer en Reinette Lombard het gesamentlik 48 jaar onderwyservaring en weet hoe beter ’n kind se leesvaardigheid is, hoe makliker en doeltreffender is die leerproses. Met José se jeugdroom om boekies vir kinders te skryf en Reinette se behoefte aan leesboekies om in haar remediërende praktyk te gebruik, het Tippie die lig gesien en heel gou het ma en dogter besef kinders wat sukkel om te leer lees, leer vinniger en makliker saam met Tippie. Hulle kry sommer gou meer selfvertroue en hulle begrip verbeter boekie vir boekie sodat hulle sommer spoedig na die volgende leesvlak vorder.

Die ma-en-dogter-span wou ’n karakter hê met wie alle kinders kan identifiseer, ongeag ras, kultuur of taal. Zinelda McDonald Meiring het Tippie na aanleiding van die teks geskep en haar illustrasies dra ongelooflik baie by tot Tippie se sukses. Elke kind kan met Tippie identifiseer.

Jy kan Tippie van enige plek ter wêreld aanlyn bestel indien jy ’n geldige Visa-kaart of Mastercard het. Kontak Curious Readers vir ’n kwotasie en hulle sal jou na die agent naaste aan jou verwys.

Kinders leer optimaal wanneer hulle in die taal waarin hulle praat, dink en bid, leer lees. Moedertaalonderrig is ongelooflik belangrik, veral in die grondslagfase, omdat dit kinders se hartstaal is en hulle daarmee kan identifiseer.

Tippie se interaktiewe aanlyn platform

Teken in op Curious Readers, Tippie se interaktiewe aanlyn platform, vir ekstra leermateriaal. Die Tippie-boekies is beskikbaar by jou naaste boekwinkel of aanlyn by www.lapa.co.za.

Tippie is gratis op Wêreldwyd se Wêreldgids gelys. Dié gids stel mense in staat om Suid-Afrikaanse ondernemings in die buiteland te ondersteun wat ’n produk of diens in Afrikaans kan lewer.

Kontak Curious Readers

Klik hier om Tippie se webtuiste te besoek.

Klik hier om Tippie op AfriForum Wêreldwyd se Wêreldgids te besoek.

Klik hier om Tippie se Facebook-blad te besoek.

*

Maak jy gebruik van Afrikaanse hulpmiddels vir jou kind? Laat weet ons in die kommentaar hoe jy Afrikaans met jou kind se opvoeding in die buiteland integreer of skryf vir ons by wereldwyd@afriforum.co.za.

Meer oor die outeur

AfriForum Wêreldwyd

Soek

Volg ons op

Moet lees artikels

Maroela Media: Nuushooftrekke van die week

Maroela Media: Nuushooftrekke van die week

Deur Suné van Heerden Maroela Media is ’n Afrikaanse internetkuierplek waar jy alles kan lees oor dit wat in jou wêreld saak maak – of jy nou in Suid-Afrika bly, of iewers anders woon en deel van die Afrikaanse Maroela Media-gemeenskap wil wees. Jonk, Afrikaans en...

Ons moet praat oor emigrasie

Ons moet praat oor emigrasie

Deur dr. Sulette Ferreira Mense is altyd besig om te trek – na ’n nuwe huis, ’n nuwe dorp of stad, of selfs somtyds na ’n nuwe land. Die lewensveranderende besluit om uit jou land van oorsprong te emigreer kan die skaal van die lewe enige kant toe laat kantel. Ons kan...

Kollig-nuusbrief: 11 Julie 2024

Kollig-nuusbrief: 11 Julie 2024

Hiermee die nuutste Wêreldwyd Kollig. Die nuusbrief bevat inligting oor allerlei interessante sake, maar ook noodsaaklike kwessies vir ons mense in die buiteland. Stuur hierdie nuusbrief gerus aan. Enigiemand kan gratis daarop inteken. Klik hier om die nuutste...

AfriForum TV

Nuusbrief

Kontak ons

Maak 'n donasie

Jeugblad

Jy sal ook dalk hiervan hou…

Teken in op die Kollig-nuusbrief en bly betrokke

Nuusbrief/Newsletter

Jy het suksesvol ingeteken!

Pin It on Pinterest