Hierdie week se onderneming in die Kollig is Knysna Café & Bar in Paraparaumu, Nieu-Seeland.
Knysna is ’n café wat deur die familie besit en bestuur word. Dit is in 2021 deur die man-en-vrou-span, Andrew en Tanya, begin. Na hul vir meer as 15 jaar ’n suksesvolle restaurant in Suid-Afrika besit het, het hul uiteindelik die geloofsprong geneem en iets van hul eie in Nieu-Seeland begin. Knysna Café and Bar bied heerlike ligte ontbyt en middagetes asook ’n paar verruklike aandete-opsies. Ons eg Suid-Afrikaanse melkterte, malvapoedings en Peppermint Crisp-terte word handgemaak deur Tanya. En … moenie van die watertandlekker Dom Pedros en boetiek- geroosterde koffie vergeet nie.
Die spyskaart spog met ’n paar klassieke Kiwi-disse asook ’n paar Suid-Afrikaanse gunstelinge. Ons is trots op die gehalte en varsheid van ons maaltye en omdat ons ook trots is daarop om tot ons gemeenskap by te dra, is ons daartoe verbind om soveel as moontlik plaaslike produkte te gebruik.
Knysna Café & Bar is gratis op Wêreldwyd se Wêreldgids gelys, hierdie gids stel ander Afrikaners in staat om Suid-Afrikaanse ondernemings in die buiteland te ondersteun.
Wêreldwyd se Wêreldgids is waar Suid-Afrikaanse ondernemings van regoor die wêreld bymekaarkom om ’n gemeenskap te vorm. Die Wêreldgids beskik tans oor meer as ’n 1 000 ondernemings, van Afrikaanse dokters in Nieu-Seeland tot biltongwinkels in Londen.
Vat die kans en word deel van hierdie netwerk. Netwerke is nie net ondernemings nie; dit is ook ’n waardevolle wyse om ’n ondersteuningsbasis te bou vir daardie dae wanneer die verlange na ’n goeie Suid-Afrikaanse wyn, kuier om ’n braaivleisvuur en die onmisbare Afrikaner-gasvryheid te veel raak.
Kontak Knysna Café & Bar:
E-pos: info@knysna.co.nz
Klik hier om Knysna Café & Bar op Facebook te besoek.
Klik hier vir Knysna Café & Bar op Wêreldwyd se Wêreldgids.
