Wêreldwyd se Wêreldgids is uniek! Ons gids bevat die besonderhede van ons mense se ondernemings in die buiteland. Daar is restaurante waar jy ’n warm bord boerekos kan eet, winkels waar jy jou gunsteling- Suid-Afrikaanse produkte kan koop, professionele dienste in Afrikaans en selfs Afrikaanse kerkdienste! Elke week kies ons by Wêreldwyd een onderneming uit die gids om in die Kollig te verskyn. Hierdie week se onderneming in die Kollig is Kokkedarling Pty Ltd, ’n aanlyn platform waar kinders stap vir stap saam met resepvideo’s kan kook.
Ons weet dit is nie altyd maklik om kinders te oorreed om gesond te eet nie, daarom glo ons in ’n holistiese benadering. Met ons resepvideo’s leer Kokkedarling en haar junior sjef jong kinders om self met gesonde resepte te eksperimenteer. Elke resep is sakpas, geurig en maklik om te maak. Ons verduidelik stap vir stap hoe om ’n resep te gebruik om die heerlikste geregte op te tower. Tussendeur leer die jong sjefs ook nuwe kookkunstruuks. So bou ons hulle selfvertroue stelselmatig.
Besoek gerus ons webtuiste waar daar binnekort ook kunsprojekte vir kleiner kinders en oefenvideo’s vir kinders beskikbaar sal wees.
Besoek Kokkedarling se webtuiste hier.
Besoek Kokkedarling se profiel op die Wêreldgids hier.
Word deel van hierdie wonderlike netwerkgeleentheid en lys jou onderneming hier.
