Om in ’n nuwe land aan te pas is ’n uitdaging, gelukkig is Wêreldwyd hier om jou te help. Word deel van ’n netwerk van Suid-Afrikaners in die buiteland. Netwerke is nie net vir ondernemings nie; dit is ook ’n waardevolle wyse om ’n ondersteuningsbasis te bou vir daardie dae wanneer die verlange na sonskyn, braaivleis en ’n omgeedrukkie van ’n familielid te veel raak.
Wêreldwyd se Wêreldgids is waar Suid-Afrikaanse ondernemings van regoor die wêreld bymekaarkom om ’n gemeenskap te vorm. Die Wêreldgids beskik tans oor meer as ’n 1 000 ondernemings, van Afrikaanse dokters in Nieu-Seeland tot biltongwinkels in Londen.
Jy kan jou onderneming gratis lys op Wêreldwyd se interaktiewe gids. Op die manier kry jy die nodige blootstelling om deel te word van ’n wonderlike netwerkgeleentheid!
Hierdie week se onderneming in die Kollig is Savanna Adventurers in die Verenigde Koninkryk.
’n Afrika-geïnspireerde klerereeks wat ’n plesier is vir klein avonturiers om te dra. Hulle eerste ‘Wild at Heart’-reeks word geïnspireer deur magiese Afrika en die diere wat in die savanna rondswerf. “Die klere is nie vir ons net stukkies materiaal nie, maar eerder stukkies van ons hart en oorspronklike tuiste geplaas op wonderlike klerekasnoodsaaklikhede waarin jou kleingoed hulle eie avonture kan ervaar.”
Kontak Savanna Adventurers:
E-pos: info@savannaadventurers.co.uk
Klik hier om Savanna Adventurers op Facebook te besoek.
Klik hier vir Savanna Adventurers op Wêreldwyd se Wêreldgids.
