Wêreldwyd se Wêreldgids is uniek! Dit is so eg Suid-Afrikaans soos melktert eet en koffie drink by Ouma se huis op ‘n Sondag. Ons gids het die besonderhede van Suid-Afrikaanse ondernemings in die buiteland, soos restaurante waar jy ‘n warm bord boerekos kan eet, winkels waar jy jou gunsteling Suid-Afrikaanse produkte kan koop, professionele dienste kan kry in Afrikaans en selfs Afrikaanse kerkdienste! Elke week kies ons by Wêreldwyd een van die ondernemings op die gids om in die Kollig te verskyn. Hierdie week se onderneming in die Kollig is Tannie Stienie se Kombuis in Nederland.
Tannie Stienie se Kombuis is begin deur twee skoonsusters wat albei op klein dorpies in Suid-Afrika groot geword het. Nadat hulle hulself in Nederland bevind het, het hulle besef dat hulle verlang na ‘n egte melktert en malva poeding, geurige boerewors en ander Suid-Afrikaanse tuisgemaakte lekkertes. Nou het hulle, hul liefde vir lekker Suid-Afrikaanse kos na hul nuwe tuiste in Nederland gebring en staan hulle vir geen een terug nie!
As jy ook in Nederland is en jou mond al water net aan die gedagte van ‘n heerlike melktert dan hoef jy nie verder as Tannie Stienie se kombuis te soek nie. Maak ‘n draai op hulle webtuiste en koop na hartelus al die lekker kos en nagereg wat jou hart begeer!
Besoek Tannie Stienie se Kombuis se webtuiste hier
Besoek Tannie Stienie se Kombuis se Facebook-blad hier
Besoek Tannie Stienie se Kombuis se profiel op die Wêreldgids hier
Lys jou onderneming hier
