Leesvordering:

Onderneming in die Kollig: The Newt in Somerset

Jan 15, 2020

Wêreldwyd se Wêreldgids is so eg Suid-Afrikaans soos varsgebakte plaasbrood en makataankonfyt. Die Wêreldgids is ’n netwerk van Suid-Afrikaanse ekspats en hul ondernemings waar ander Suid-Afrikaners kan tuis voel en ou gunstelinge kan geniet in ’n nuwe omgewing. Elke week kies die Wêreldwyd-span een van die ondernemings wat in die Wêreldgids gelys is om in die Kollig te verskyn. Hierdie week raak ons weg in die tuine van The Newt in Somerset.

Vernoem na die grootkuifwatersalamander,  wat ’n beskermde spesie in Europa en die Verenigde Koninkryk is, is The Newt in Somerset alles behalwe grillerig. The Newt is ’n viering van alles wat kenmerkend aan Somerset in die Verenigde Koninkryk is. Van die naam tot die appelbome wat regoor die landgoed strek – daar is iets van Somerset om elke draai.

The Newt is die kreatiewe eindproduk van Babylonstoren-stigters en dromers Koos Bekker en Karen Roos. Enige persoon wat al besoek by Babylonstoren in die Wes-Kaap afgelê het, sal dadelik Roos se kenmerkende dekorstyl opmerk in die prag van The Newt, net met ’n Somerset-kinkel.

As jy ooit daarvan gedroom het om deur groot Victoriaanse tuine te wandel, dan sal jou hart behoorlik bokspring wanneer jy deur die hekke van The Newt stap.

Los die gedruis van die stad vir ’n oomblik agter en kom vind jouself in die tuine en geboue van The Newt in Somerset.

Besoek The Newt in Somerset se profiel op die Wêreldgids hier.

Besoek The Newt in Somerset se webtuiste hier.

Lys jou onderneming hier.

Meer oor die outeur

Wêreldwyd

Volg ons op

Moet lees artikels

Hartseer oor ons taal

Hartseer oor ons taal

Ek geniet Wêreldwyd se nuusbrief. Dis net tragies dat so baie van ons Suid-Afrikaners ons tuiste in die buiteland moes maak weens omstandighede. Ons is woon nou al meer as 28 jaar in Nieu-Seeland. Ek was ’n paar keer terug om familie en vriende in Suid-Afrika te...

Tussen hier en daar

Tussen hier en daar

Johan Nortje Die polisiestasie se landsvlag hang halfmas. Teen die muur is 'n bord wat aandui dat slegs polisievoertuie binne mag parkeer. En net ingeval enigiemand gewonder het of dit dalk 'n breë vertolking van die instruksies is, is 'n losstaande waghuis pas tot...

OPE BRIEF AAN MY LANDGENOTE

OPE BRIEF AAN MY LANDGENOTE

Hendrika Jooste Ons staan op die vooraand van die bekendstelling van ons immigrasieboek se internasionale weergawe en die knop in my keel is trane wat net wil-wil kom. Met ons eerste immigrasieboek het ons net op ons Suid-Afrikaanse landgenote gefokus, maar as gevolg...

Nuusbrief

Kontak ons

Maak 'n donasie

Wêreldwyd vriende

Jy sal ook dalk hiervan hou…

Pin It on Pinterest