Die NG Kerk: Ons erfenis is saamgestel deur Philippe Menache en Helmut Wolff, twee liefhebbers en bewonderaars van die unieke en uitsonderlike argitektuur van NG kerkgeboue in Suid-Afrika. Nagenoeg 130 kerke is in hierdie bundel saamgevat – sommige in mindere en ander in meerdere detail.
Tesame met foto’s van meesterlike kerkgeboue, sluit die boek ook ander feitelike inligting rakende die geboue in, naamlik ’n beskrywing van die betrokke dorp, die kerk se ligging, ouderdom, argitektoniese styl en uiteensetting in die gebou self. Dié juwele word herontdek in ’n landskap wat dikwels te midde van grootskaalse ontvolking van die platteland én toenemende armoede, steeds staande bly, hoewel dit in sekere gevalle ook al tekens van verval toon.
Kerkliefhebbers én dié wat die argitektoniese wonder van kerke waardeer, sal die inhoud van dié koffietafelboek verslind. Nou beskikbaar in Kraal Uitgewers se veilige aanlyn winkel teen slegs R270. Klik hier vir meer inligting.
