“Dit is ’n liedjie oor liefde met die eerste oogopslag en om kanse te waag,” sê POSDUIF se hoofsanger, James Boland, oor die betekenis agter hulle nuutste enkelsnit, STELLENBOSCH SOMERSAAND, wat pas vrygestel is.
Hierdie goedvoel-popsnit, met ’n tagtigs-aanslag, is geskryf deur Boland, Nick Jordaan en Nathan Woodman, vervaardig deur Brendan Campbell en gemeng deur Hugo Ludik.
“Stellenbosch is ’n pragtige dorp, met goeie mense en mooi geboue. Ons wou ’n liedjie skryf wat hierdie skoonheid versinnebeeld deur ’n liefdesverhaal en bekende plekke by te voeg,” deel James. “Dit is een van ons gunsteling-liedjies om op te voer en is ’n unieke Afrikaanse snit, met ’n nostalgiese gevoel.”
In egte POSDUIF-styl, sal hulle nuutste enkelsnit aanklank vind by luisteraars van alle ouderdomme en hulle nooit om saam te sing en dans op die maat van die lekker musiek.
STELLENBOSCH SOMERSAAND vorm deel van die groep se debuut-album, Niks Vergelyk, en volg in die suksesvolle voetspore van die titelsnit en Herinner My, wat uitstekend ontvang is en op die treffersparades van verskeie radiostasies landswyd gekuier het.
Die groep bestaan uit Boland, Nick Jordaan (ritmekitaarspeler en sanger), Amiel Gopal (baskitaarspeler), Brendan Campbell (vervaardiger en hoofkitaarspeler) en Nick McCreadie op die dromme.
Buiten daarvoor om hulle nuwe album te bemark en soveel as moontlik op te tree, is die groep ook besig om te werk aan materiaal vir hulle tweede album en opwindende planne te beraam vir die toekoms.
POSDUIF het die kuns bemeester om hulle gedagtes en gevoelens op ’n manier weer te gee wat lekker is om na te luister en by almal aanklank vind, en STELLENBOSCH SOMERSAAND is die perfekte bewys hiervan.
Hulle is deel van die uitgesoekte groep kunstenaars wat 4 – 5 Desember by Bok Radio se BILTONGFEES in Sandringham optree. Indien jy in die area is, bespreek nou jou kaartjies by www.wimtv.net
Die liedjie is beskikbaar op hul album, Niks Vergelyk, wat beskikbaar is op alle digitale platforms. Kry dit hier: https://Posduif.lnk.to/NiksVergelykAlbumMB
Volg Posduif op sosialemedia
Facebook: https://www.facebook.com/PosduifLive/
Instagram: @posduif_live
Twitter: @Posduiflive
Webblad: https://posduif.live/
