Leesvordering:

Resensie: Anton Goosen – Liedijeboer deur Hanlie Retief

Jan 20, 2021

’n Langpadreis is nie volmaak sonder ’n paar Anton Goosen treffers nie. Sy bydra tot Afrikaanse musiek is onoortreflik en jy gaan vêr moet soek om iemand te kry wat nie ’n liedjie ken wat deur Anton Goosen geskryf is nie. Dis natuurlik ook in ’n groot mate te danke aan die liedjieboer dat ons vandag groepe soos F**kofpolisiekar, Heuwels Fantasties en ander het om na te luister – hy het immers die eerste Afrikaanse rockliedjie ooit geskryf en bekendgestel.

In Liedjieboer word Anton Goosen se lewe bladsy vir bladsy in 301 blaaie uiteengesit. Van sy grootwordjare, onderwysjare en probleme met sy pa to sy eerste huwelik en die oomblik wat hy besef het sy lewe sal nooit weer dieselfde wees nie. Deur lief en leed neem hy ons, met behulp van die skryftalente van Hanlie Retief, deur sy lewe. Die hartseer oomblikke bly egter nooit te lank nie, want dit word deurentyd met ’n tikkie humor verbloem. Mens word saam hartseer, deel in die liefde, word saam kwaad en jy raak sommer nostalgies oor die vroeë era van Afrikaanse rock en popmusiek al het jy dit self nie geken nie. Nog nooit wou ek so graag by Houtstok wees soos toe ek daardie deel van die boek gelees het nie.

Goosen skroom nie om sy eie foute ook uit te wys nie en soms lees die boek meer soos ’n belydenis maar dit is juis dit wat die teks so bindend maak. Jy sal nie een keer die idee kry dat hy soos ’n kapokhaan wil pronk oor sy suksesse nie, inteendeel is hy baie nederig daaroor maar erken wel dat sy trots in die verlede hom ’n paar duur pryse laat betaal het. Jy gaan met nuwe oë na Goosen en ’n hele paar ander Afrikaanse bekendes kyk. Verbasende inligting en interessante staaltjies maak dat jou vingers gaan brand om bladsy na bladsy te blaai. Hou maar ’n naweek van niksdoen eenkant vir hierdie boek sodat alledaagse dinge nie inmeng in die leesproses nie.

Van al die boeke wat ek in 2020 gelees het, was dié een beslis my gunsteling.

Anton Goosen

Liedjieboer

Hanlie Retief

ISBN:

9780624089735

Epub ISBN:

9780624089742

Publisher:

Tafelberg

Date Released:

June 2020

Price (incl. VAT):

R 290.00

 

Meer oor die outeur

Chante Kelder-Jansen van Rensburg

Chanté Kelder-Jansen van Rensburg is 'n mediaskakelbeampte by AfriForum. In haar vrye tyd hou sy daarvan om boek te lees en ook om self so bietjie te skryf.

Soek

Volg ons op

Moet lees artikels

Kinderboeke vir oud en jonk!

Kinderboeke vir oud en jonk!

Nuut op die rakke: Kinderboeke vir oud en jonk! Skerwe - Sally Partridge Ses vriende woon ’n musiekfees in die Cederberg by. Net vyf kom terug. Vir haar sewentiende verjaarsdag nooi Demi Crowley haar vyf beste vriende saam met haar na ’n musiekfees vir die partytjie...

Lapa Uitgewers: Ouma Mollie en die mensvreter

Lapa Uitgewers: Ouma Mollie en die mensvreter

Ouma Mollie en die mensvreter Fanie Viljoen Haar naam is Mollewania Mollewiekus Nagtegaal. Maar jy kan haar sommer net ouma Mollie noem – die grootse moeilikheidmaker op Seeperdjiebaai. Gelukkig hou Nina haar ouma (gewoonlik) uit die moeilikheid. Vandag is egter nie...

Oom Paul, sy soldate en die plein

Oom Paul, sy soldate en die plein

Terwyl die storms oor die geskiedenis woed en betogers onlangs nog met spuitverf rondom Paul Kruger se standbeeld op Kerkplein in Pretoria gedans het, staar dié ou staatshoof in stilte in die verte. Sy klipvoete staan dalk nou (nog) rustig op Kerkplein met sy...

Nuusbrief

Kontak ons

Maak 'n donasie

Wêreldwyd vriende

Jy sal ook dalk hiervan hou…

Teken in op die Kollig-nuusbrief en bly betrokke

Jy het suksesvol ingeteken!

Pin It on Pinterest