Leesvordering:

Suid-Afrikaanse Braai-en-potjiefees

Mei 2, 2019

deur Jaco Brand

Soos jy seker weet, is daar baie Suid-Afrikaners wat in die VSA woon, en ons mis ons kultuur. Dus kan jy vra wat is die oplossing? Wel, dis ’n byeenkoms vir Suid-Afrikaners. Van 19 tot 21 April 2019 het ons die eerste jaarlikse Suid-Afrikaanse Braai-en-potjiefees gehou, en wel in Richmond, Virginia.

Dit is deur ongeveer 300 mense bygewoon wat hierdie kultuurryke byeenkoms geniet het met boerewors, jafels, pasteie, beskuit, koeksisters en nog baie meer.

Ons het Vrydag met ’n braai begin, en later die aand was daar ’n sokkie. As jy die volgende oggend blase onder jou voete het van al die kaalvoet sokkie, dan weet jy mense het vet pret gehad!

Saterdag was die hoofdag: daar was boeresport met sakresies, driebeenresies en baie meer; die hoofitem was die toutrek vir mans van alle ouderdomme, en dit was behoorlik oorlog. Teen etenstyd was die potjiekompetisie volstoom aan die gang, en die spanne was baie mededingend. Om 16 potjies te beoordeel is nie maklik nie; almal was baie goed, en die eerste prys, wat deur Wêreldwyd geborg is, is deur ’n heerlike kerriebeesstertpotjie verower. Die aand is afgesluit met ’n prysuitdeling en nog ’n sokkie, blase ofte not.

Die byeenkoms was ’n reusesukses; orals kon jy Afrikaans hoor, asof jy by die huis is. Orals het mense geglimlag, genetwerk, grappe gemaak en rugby en krieket gespeel. Ons het dit so geniet dat ons onmiddellik volgende jaar se byeenkoms bespreek het – dit sal op 24 tot 26 April 2020 plaasvind. Dié keer gaan dit nog groter en beter wees – hoop ons sien jou daar!

Ons bedank graag Wêreldwyd en al ons ander borge wat deel van ons groot sukses was.

Meer oor die outeur

AfriForum Wêreldwyd

Soek

Volg ons op

Moet lees artikels

Potchefstromers  in België

Potchefstromers in België

Ons het hierdie week met Aimee le Roux en haar man gesels wat hul hele lewe lank in Potchefstroom gewoon het en binne drie maande al hulle besittings verkoop het en met ses tasse na ’n klein dorpie in België getrek het. Sy vertel ons van hulle eerste sneeu-ervaring,...

Die “hulle” wat naaste aan ons is

Die “hulle” wat naaste aan ons is

Vrydag was weer ’n pad-dag, en ek het so baie gehoor wat ek graag wil onthou. Onder andere die volgende: Een van die wonderlikste dinge om te sien, is hoe God jou idees verander.Tony Evans Deel van grootword is om groter te dink, wyer te droom – en daarmee is niks...

Nuusbrief

Kontak ons

Maak 'n donasie

Wêreldwyd vriende

Jeugblad

Jy sal ook dalk hiervan hou…

Teken in op die Kollig-nuusbrief en bly betrokke

Nuusbrief/Newsletter

Jy het suksesvol ingeteken!

Pin It on Pinterest