Leesvordering:

Wêreldgids in fokus – Europa

Okt 13, 2020

Om in ‘n nuwe land aan te pas is ‘n uitdaging. Die Wêreldgids het ten doel om mense wat besig is om in die buiteland aan te pas te help om ander Suid-Afrikaners te ontmoet en terselfdertyd hul ondernemings te ondersteun. Hier kan jy winkels, kerkdienste, dokters en selfs tutors se inligting bekom en ondersteun.

Hierdie maand fokus ons op sakeondernemings in Europa wat jy kan ondersteun.

Braai in Amsterdam

By Braai in Amsterdam kan jy die geselligheid van ‘n vuur geniet en smul aan braaivleis net soos ‘n doodgewone Saterdagmiddag in Suid-Afrika.

By restaurante in Westerpark en Riviernebuurt kan jy uit ‘n uiteenlopende braai spyskaart kies wat braaivleis, brood en hummus, en biltong insluit.

Braai bied ‘n gesellige atmosfeer met eg Suid-Afrikaanse kos vir wanneer ‘n warm Saterdagmiddag aan jou deur klop.

Doen inkopies by Die Spens

Die Spens is geleë langs die A1 in Amersfoort en is net ‘n klipgooi weg van Nederland, België en Duitsland. By Die Spens kan jy Suid-Afrikaanse gunstelinge in jou inkopiesakke pak. Al die bekende lekkernye sluit in Mrs Balls Chutney, Ouma Beskuit, Robertson spices en Iwisa  Mieliemeel – net om ‘n paar te noem.

Maak jou eie by Afrikos

Afrikos bied werkswinkels en kursusse aan in jou gunsteling Suid-Afrikaanse kostradisies. Afrikos verskaf al die speserye wat jy benodig om tuis jou tradisies te maak en te bedien. Smag jy na ‘n lekker bord bobotie? Dan is Afrikos die plek om te skakel vir jou eie persoonlike sakkie vol speserye!

Alle Suid-Afrikaanse spys en drank by Kuierkos

Kuierkos is jou tuiste weg van jou tuiste! Hier bied hul vir jou die geleentheid om te smul aan allerlei Suid-Afrikaanse gunstelinge wat bier, biltong en wyn insluit! As jy die hele Suid-Afrika op een aanlynplek wil beleef, is Kuierkos die plek om by te kuier.

Hier kan jy van ‘n soetigheid soos melktert tot ‘n koue Zamalek bestel en dit word op jou voorstoep afgelewer.

Maak jou vensters reg by uPVC Repairs

uPVC spesialisser in die herstel van vensters, deure en slotte in Engeland. Met 19 jaar in die bedryf, is dit die plek wat in ‘n japtrap jou regstellings sal behartig.

Eet by JAN

JAN is ‘n klein fynproe restuarant in die Nice Port Distrik in Frankryk. Hier kan jy Suid-Afrikaanse gasvryheid geniet saam met disse wat inspirasie put uit plaaslike produkte.

Besoek Johan Ackhust vir jou tandprobleme

Johan Ackhust is ‘n tandarts vanuit die Wes-Kaap in Suid-Afrika en spesialiseer in tandheelkunde, mondchirurgie en implante. Jy kan hom gerus besoek in België.

 

Hoe lyk jou netwerk in die buiteland? Laat weet ons en stuur ʼn e-pos by wereldwyd@afriforum.co.za. En klik en jy is tuis!

Lees ook Wêreldgids in fokus – Verenigde Koninkryk

Meer oor die outeur

Wêreldwyd

Volg ons op

Moet lees artikels

Maroela Media: Nuushooftrekke van die week

Maroela Media: Nuushooftrekke van die week

Maroela Media is ʼn Afrikaanse internetkuierplek waar jy alles kan lees oor dit wat in jou wêreld saak maak – of jy nou in Suid-Afrika bly, of iewers anders woon en deel van die Afrikaanse Maroela-gemeenskap wil wees. COVID-19: Twee derdes van staat se besteding dalk...

Saai stel Die Wynboer bekend om druk op familiewynboere te verlig

Saai stel Die Wynboer bekend om druk op familiewynboere te verlig

Saai (Suider-Afrika Agri Inisiatief) se wynbemarkingsprojek, Die Wynboer, is op 22 Oktober 2020 by die Marianne-wynlandgoed in Stellenbosch bekend gestel. Die Wynboer is ’n aanlyn wynwinkel wat daarop gemik is om familieboerwyne teen kelderdeurpryse aan verbruikers...

AfriForum versoek dringende vergadering met Ramaphosa

AfriForum versoek dringende vergadering met Ramaphosa

AfriForum het vandag ’n ope brief aan president Cyril Ramaphosa gerig waarin dié burgerregteorganisasie ’n dringende vergadering met hom versoek om plaasmoorde en die toekoms van Afrikaners as kultuurgemeenskap in Suid-Afrika te bespreek. Die doel van die brief is om...

Nuusbrief

Kontak ons

Maak 'n donasie

Wêreldwyd vriende

Jy sal ook dalk hiervan hou…

Pin It on Pinterest