Dit is uitdagend om in ’n nuwe land aan te pas. Wêreldwyd is hier om jou te help. Die beste manier om te verseker dat jy die beste jy is wat jy in ’n nuwe omgewing kan wees, is deur ’n netwerk te bou. Netwerke is nie net vir sakelui nie; dit is ook ’n waardevolle manier om ’n ondersteuningsbasis op te bou vir daardie dae wanneer die verlange te veel raak en almal net te ver weg is.
Wêreldwyd se Wêreldgids is waar Suid-Afrikaanse ondernemings van regoor die wêreld bymekaarkom om ’n gemeenskap te vorm. Eienaars van klein ondernemings kan van Wêreldwyd se gratis diens in die buiteland gebruik maak en self hul ondernemings op die interaktiewe gids lys. Op dié manier raak hulle deel van hierdie wonderlike netwerkgeleentheid!
Ons fokus hierdie maand op ondernemings in die Verenigde State van Amerika wat julle kan ondersteun.
Afrikaanse Kerk Houston
Elke derde Sondag van die maand hou ons ’n erediens om 11:00. Ons geniet die teenwoordigheid van ons Here en mekaar. Enigiemand is baie welkom.
Die Afrikaanse Kerk Houston is deel van die organisasie sonder winsoogmerk Koinonia – Caring for SA in USA. Dié organisasie se doel is om die Suid-Afrikaanse gemeenskap in die VSA te versterk deur individue te help om ’n groeiende verhouding met Christus na te streef. Ons soek geleenthede om verhoudings met die Suid-Afrikaanse gemeenskap te ontwikkel en om ambassadeurs te wees vir die lewensveranderende boodskap van Jesus Christus. LEES MEER.
Suid-Afrikaanse Ekspatwinkel – Austin TX
Ons is ’n Suid-Afrikaanse winkel wat in Austin, TX geleë is en ons verkoop ongelooflike Suid-Afrikaanse produkte. Of jy nou op soek is na kos, doelgemaakte kledingstukke, of huisdekor, ons bied dit alles. LEES MEER.
Lizel’s Cake Boutique & SA Comfort Foods
Hierdie ma-en-dogter-span maak gehalte-, tradisionele Suid-Afrikaanse trooskos hier in Gainesville, GA VSA. Ons resepte kom van so ver terug as voor die Boereoorloë in Suid-Afrika en is deur elke generasie met die volgende gedeel. Elke resep is deur die jare vervolmaak tydens kerkbasaars, dorpsfeeste, koekverkopings en familiereünies. Lizel geniet dit ook om koeke te bak en versier vir partytjies vir kinders en volwassenes. Slegs vars produkte word gebruik om heerlike en prettige koeke vir elke geleentheid te bak. LEES MEER.
Texas Boerseun – Swys in Amerika
Hierdie blad is geskep om mede-Suid-Afrikaners te help met inligting oor hoe om in Amerika te kom werk, asook om alledaagse take op die plaas met die kykers te deel. LEES MEER.
