Wanneer mense na ‘n ander land verhuis, is hulle baie opgewonde oor die nuwe vooruitsigte, wat net normaal is. Onder die omstandighede is dit noodsaaklik om steeds koelkop te beplan vir alle situasies, veral wanneer ‘n gesin se welsyn ter sprake kom. ‘n Paar basiese dinge om in gedagte te hou, is die volgende:

  • Hou jou bate- en lewensversekering in stand tot die dag van vertrek, of selfs daarna indien moontlik.
  • Soms misluk migrasie. Moenie vaste bates soos wonings of voertuie in die land wat verlaat word, verkoop voordat jy nie seker is jy gaan nie gou weer daarheen terugkeer nie en dit nie moontlik in die nabye toekoms gaan benodig nie.
  • Laat ‘n testament opstel. Maak seker dat die testament se bepalings geldig is vir alle lande waarin die testateur bates het.
  • Wys voogde vir minderjarige afhanklikes aan ingeval die ouers of huidige voogde tot sterwe kom. Maak ook seker voorsiening vir reiskoste is getref, sodat die minderjariges by hulle voogde kan aansluit.
  • Om te emigreer sonder sekerheid oor ‘n bron van inkomste, is ‘n baie groot risiko en word geensins aanbeveel nie.
  • Indien die broodwinner(s) nie meer in staat sou wees om ‘n inkomste te verdien nie, óf nie meer bereid sou wees om die res van die gesin te onderhou nie, moet ʼn noodplan vir onmiddellike oorlewing, moontlike repatriasie en die toekoms in plek wees. Daar is geen instelling wat repatriasie borg nie.

Migrasie is ‘n wonderlike avontuur wat baie nuwe dimensies tot ‘n mens se lewe kan voeg. Om egter daarvan ‘n sukses te maak, moet jy jou voete op die grond hou, selfs al is jou kop in die wolke!

LEES OOK: Dink mooi oor emigrasie

Hierdie artikel is ook beskikbaar in: English

Alana Bailey
Alana Bailey
Alana Bailey is Hoof van Kultuursake by AfriForum, verantwoordelik vir Internasionale skakeling, taal en kultuur.

Teken in op die Kollig-nuusbrief en bly betrokke

Jy het suksesvol ingeteken!

Pin It on Pinterest