Leesvordering:

’n Spraakterapeut praat oor tweetaligheid – Deel 2

Aug 3, 2022

Deur Sumari Erasmus

Tien wenke om tweetaligheid in jou kind te bevorder

1. Skep die behoefte

Dit is uiters belangrik om die behoefte te skep om die minderheidstaal (die taal van ekspats se familie, soos oumas en oupas en ouer broers en susters) te praat. As kinders nie nodig het om die taal te praat nie, hoekom sal hulle? Die behoefte om die taal te praat, kan geskep word deur met iemand te gesels wat dit wel praat, of deur met daardie persoon te speel of saam met hom of haar aan ’n aktiwiteit deel te neem. Party gesinne kom ook ooreen om slegs die minderheidstaal onder spesifieke omstandighede te praat, byvoorbeeld by die huis of met sekere persone.

2. Spandeer tyd saam

Spandeer soveel as moontlik tyd saam met jou kinders. Dit is veral belangrik as jy en jou lewensmaat by die huis verskillende tale met jul kinders praat.

3. Praat baie in die minderheidstaal

Dit mag dalk voor die hand liggend klink, maar praat soveel as moontlik met jou kinders en motiveer hulle om met jou terug te praat in julle taal. Hoe meer woorde hulle hoor, hoe meer woorde leer hulle aan.

4. Speel musiek en sing liedjies

Speel musiek en sing liedjies in die minderheidstaal. ’n Melodie help kinders om woorde en frases te memoriseer wat hul andersins nie sommer sal onthou nie. Die lirieke help ook om hul woordeskat uit te brei.

5. Lees baie

Moenie die belangrikheid van lees in die minderheidstaal onderskat nie. Maak seker jy het ’n verskeidenheid boeke in die minderheidstaal, veral dié waarvan jou kinders hou. Laat jou kinders toe om nuwe boeke te kies waarvan hulle hou. As kinders van ’n storie hou, sal die meeste dit oor en oor wil lees!

6. Probeer ’n oppasser kry wat die minderheidstaal kan praat

As jy ’n werkende ouer is, probeer ’n tweetalige oppasser kry wat die minderheidstaal ook kan praat. Sodoende kry jou kinders meer blootstelling aan die minderheidstaal terwyl daar ook na hulle omgesien word.

7. Lees elke dag hardop vir jou kind

Dit is uiters belangrik dat jy elke dag vir jou kinders lees, hetsy met slaaptyd of enige ander tyd in die dag. Om ’n liefde vir lees te kweek, is een van die belangrikste dinge wat jy vir jou kinders kan doen. Deur daagliks vir hulle te lees, stel jy hulle bloot aan woorde wat hulle andersins nie sou gehoor het nie en jy help om hulle woordeskat te vergroot.

8. Skermtyd slegs in die minderheidstaal

As jy jou tweetalige kinders skermtyd toelaat, gebruik dit tot jou voordeel. Laat hulle in die minderheidstaal programme kyk en speletjies speel om hulle sodoende meer blootstelling aan die minderheidstaal te gee.

9. Koop vir hulle geskenke wat hulle taalontwikkeling sal aanhelp

Koop vir jou kinders vir verjaardae of Kersfees opvoedkundige geskenke wat hulle taalvaardighede kan bevorder, byvoorbeeld boeke in die minderheidstaal, legkaarte, of speletjies wat hulle sal aanmoedig om die minderheidstaal te praat en die taal tydens spel te gebruik.

10. Maak saam kos

Maak disse wat eie is aan jul kultuur en gesels met jou kinders daaroor terwyl julle saam kosmaak. So leer hulle nie net nuwe woorde in julle taal nie maar ook julle kultuur ken.

Hierdie is die tweede in ’n reeks van drie artikels deur Sumari Erasmus. Sy is ’n spraakterapeut, maar ook ’n Afrikaanse mamma in die buiteland. Sumari en haar gesin woon in Kanada. Sy het ’n doktorsgraad in spraak-taalterapie aan die Universiteit van Pretoria behaal en het ’n passie vir die behoud van Afrikaans. Die derde artikel sal handel oor vyf mites oor tweetaligheid.

Lees ook: ’n Spraakterapeut praat oor tweetaligheid – Deel 1.

Hierdie artikel was oorspronklik geplaas deur Boekwurm.

Meer oor die outeur

AfriForum Wêreldwyd

Soek

Volg ons op

Moet lees artikels

Onthou helde soos Totius vandag op Taaldag

Onthou helde soos Totius vandag op Taaldag

Deur Alana Bailey Op 14 Augustus 1875 is die Genootskap van Regte Afrikaners (GRA) in die Paarl gestig. Dit was die eerste amptelike poging om Afrikaans as volwaardige gebruikstaal op alle vlakke te vestig. In latere jare het die datum as Afrikaanse Taaldag begin...

Maroela Media: Nuushooftrekke van die week

Maroela Media: Nuushooftrekke van die week

Deur Suné van Heerden Maroela Media is ’n Afrikaanse internetkuierplek waar jy alles kan lees oor dit wat in jou wêreld saak maak – of jy nou in Suid-Afrika bly, of iewers anders woon en deel van die Afrikaanse Maroela Media-gemeenskap wil wees. Saai gryp in by...

Uit en tuis: ’n e-pos uit Ierland

Uit en tuis: ’n e-pos uit Ierland

Uit en tuis is ’n rubriek waar ons met mense gesels wat tans in die buiteland woon, of wat daar gewoon en gewerk het. Hierdie week gesels ons met Kirsten Mocke wat tans saam met haar man in Ierland woon. Kirsten vertel ons meer van hul emigrasieproses en hulle lewe in...

Nuusbrief

Kontak ons

Maak 'n donasie

Wêreldwyd vriende

Jeugblad

Jy sal ook dalk hiervan hou…

Teken in op die Kollig-nuusbrief en bly betrokke

Nuusbrief/Newsletter

Jy het suksesvol ingeteken!

Pin It on Pinterest