Deur Troula Goosen
Die Sproetebessies spaar vir ‘n reis na Italië en kry vakansiewerk op Spookkuil, ’n gasteplaas in Bobbejaanskloof. Milan, Andante en Nova het gemengde gevoelens oor hulle akkommodasie, ’n boomhuis naby die kuil wat aan die plaas sy naam gegee het en waaruit daar snags ‘n grillerige mis opstyg. Gou besef hulle dat die vakansiewerk net ’n dekmantel is: hulle is eintlik daar om uit te vind wie van die eksentrieke gaste met die eienaar se raar fossielversameling peuter. Andante voel veral geaffekteer deur die vreemde gebeure op die plaas. Wie is die geheimsinnige ou wat sy by die kuil ontmoet en waarom fassineer hy haar so? En watter raaisel is opgesluit in die sterretjiesdagboek wat sy in die ou huis se solder ontdek?
Oor die skrywer
Troula Goosen het in 2008 ’n skryfkursus voltooi en skryf sedertdien kortverhale, novelles en jeugromans. In 2016 sy met ’n ATKV-Woordveertjie bekroon. Sy is bekend vir haar reeks jeugromans met historiese agtergronde, soos Raaiselster, Raaiselsee en Raaiselklip. Sy bied graag werkswinkels oor kreatiewe skryfwerk aan. Troula woon in Stellenbosch.
Publikasiedatum: 24 Julie 2023
Prys: R185,00
Bladsye : 196
Formaat: 198mm x 130mm
Bindstyl: Sagteband
Kategorie: 12-14 jaar
ISBN-13: 9780798183628
* Prys onderhewig aan verandering