Jy’t nou seker teen dié tyd al gehoor dat daar ‘n nuwe seisoen van Boer soek ‘n Vrou op pad is en dat Minki dit gaan aanbied. Maar het jy in dieselfde asem gewonder hoe jy jou gaan voorberei vir die nuwe seisoen wat op 20 Oktober begin? Jy weet, ʼn mens kyk nie sommer net so Boer soek ’n Vrou nie… Jy moet seker maak jy is gereed vir al die drama en emosie, al die intrige en opwinding. En die enigste manier om jouself gereed te kry, is om vorige seisoene te kyk.
Dis nou presies waar ShowMax inkom. Die jongste reekse van Boer soek ‘n Vrou (7 en 8) is vanaf 1 September op ShowMax beskikbaar! Nou kan jy agteroor sit en sonder ophou kyk hoe die boere kopkrap en die nooiens pronk, hoe die naels uitkom en die charm oopgedraai word. Werk deur die hele box set sodat jy fiks is vir vrou-soek wanneer Minki en die nuwe boere in seisoen 9 die soektog aanpak. Vrou-soek is nie perde koop of ploeg of oes nie. Maar om te kyk hoe die dinge loop, is so maklik soos val-uit-‘n-boom: teken in op ShowMax vir al die aksie en kry jouself gereed vir seisoen 9 hierdie Oktober op kykNET!
Kry Reekse 7 en 8 van Boer soek ‘n Vrou hier
