Wêreldwyd se Wêreldgids is so trots Suid-Afrikaans soos Cream Soda by ’n skoolsokkie. Die Wêreldgids bevat alles wat jy moontlik nodig kan hê om die verlange huis toe net so ’n klein bietjie ligter te maak; van biltong en boerewors tot melktert en vetkoek. Elke week kies Wêreldwyd een onderneming uit die gids om in die Kollig te verskyn – hierdie week is dit Karoo Restaurant.
Karoo Restaurant word geïnspireer deur die diverse geure van Brittanje, Nederland, Afrika, Maleisië, Portugal en Indië, wat die basis vorm van die heerlike disse van sjef Sanette Groenewald se vaderland, Suid-Afrika. Sanette het die betowering van die Kaap na Cape Cod gebring en ’n suksesvolle, kleurvolle, ekovriendelike restaurant met besonderse disse op die been gebring.
Die spyskaart bied iets van alles – van hoemoes en pitta vir voorgereg tot Karoo bunny chow en nog baie ander lipleklekker disse. Jy kan selfs van die souse koop indien jy eenvoudig nie genoeg daarvan kan kry nie.
Adres: Mainstraat 3, Eenheid 32, Eastham, Massachusetts
Telefoonnommer: +1 508 255 8288
Besoek Karoo Restaurant se webtuiste hier.
Besoek Karoo Restaurant se Facebook-blad hier.
Besoek Karoo Restaurant se profiel op die Wêreldgids hier.
Lys jou onderneming hier.
