Hierdie week se onderneming in die Kollig is Juniper Shores in Surrey, Engeland.
Juniper Shores is gratis op AfriForum Wêreldwyd se Wêreldgids gelys. Die gids maak dit vir mense moontlik om Suid-Afrikaanse ondernemings in ander lande te ondersteun.
By Juniper Shores bied ons ’n pasgemaakte diens en ons werk saam met jou om beheer te neem van jou daaglikse take en besige skedule, om jou of jou geliefdes se hervestiging in ’n nuwe land te bestuur, en om jou lewe makliker te maak deur jou te help sodat jy meer tyd tot jou beskikking het vir die dinge wat regtig saakmaak.
As jou omstandighede dus van so ’n aard is dat jy jou in ’n ander land moet vestig, of as jy net ’n lastige takie of werkie aan iemand anders wil oorgee, kan jy op Juniper Shores staatmaak om voluit vir jou eersteklasdiens te lewer. Rozanna en Samantha is albei in Suid-Afrika gebore en getoë voordat hulle na Surrey in Engeland verhuis het. Rozanna het meer as 25 jaar se ondervinding in die reisbedryf en het ’n suksesvolle familie-onderneming in Johannesburg bestuur met meer as 30 personeellede. Samantha het meer as 20 jaar se werkservaring in Suid-Afrika sowel as Londen in finansies en projekbestuur.
AfriForum Wêreldwyd se Wêreldgids is waar Suid-Afrikaanse ondernemings van regoor die wêreld bymekaarkom om ’n gemeenskap te vorm. Die Wêreldgids beskik tans oor meer as ’n duisend ondernemings en kontakpunte.
Vat die kans en word deel van hierdie netwerk. Netwerke is nie net ondernemings nie; dit is ook ’n waardevolle wyse om ’n ondersteuningsbasis te bou vir daardie dae wanneer die verlange na ’n goeie Suid-Afrikaanse wyn, kuier om ’n braaivleisvuur en die onmisbare Afrikaner-gasvryheid te veel raak.
