Dié week val die kollig op Saarkie Stories in Nieu-Seeland
Saarkie Stories is gratis op AfriForum Wêreldwyd se Wêreldgids gelys. Dié gids stel mense in staat om Suid-Afrikaanse ondernemings in die buiteland te ondersteun wat ’n produk of diens in Afrikaans kan lewer.
Is jy op soek na Afrikaanse en ’n bietjie Engelse leesstof in Nieu-Seeland? Ons het presies wat jy nodig het! Ons verkoop boeke in Albany en aanlyn en ons kan dit in Nieu-Seeland en na oorsese bestemmings pos.
Afrikaanse leesboeke vir grootmense, kinders, tieners, begin en leer lees – ware stories, Christelike stories, vyf-minuut verhale vir kinders, kook- en gruwelstories – daar is tonne om van te kies en te keur. Enigiets van boekies vir babas, tot tieners wat Trompie en Saartjie lees, inkleur- en aktiwiteitsboeke tot baie ander genres, insluitende dagboeke en Bybels.
Saarkie Stories is ’n depot vir Saarkie Limited vir die aflewering en afhaal van internasionale pakkies. Koste vir nasionale aflewering in Nieu-Seeland tot op 25 kg begin by $10 per pakkie met binnelandse koerier.
Dink jy jou onderneming verdien dit om in die kollig te wees? Gryp vandag nog die geleentheid aan en word deel van ons AfriForum Wêreldwyd-netwerk. Op AfriForum Wêreldwyd se Wêreldgids word jy nie net deel van ’n sakenetwerk nie; dit is ook ’n waardevolle manier om ’n ondersteuningsbasis op te bou vir daardie dae wanneer die verlange te veel raak en al jou mense net te ver weg is.
Kontak Saarkie Stories
Klik hier om Saarkie Stories se webtuiste te besoek.
Klik hier om Saarkie Stories op AfriForum Wêreldwyd se Wêreldgids te besoek.
