Dit is ’n uitdaging om in ’n nuwe land aan te pas. Alles is anders, en dit kan nogal ’n avontuur word om jou gunsteling- Suid-Afrikaanse produkte op te spoor. Gelukkig is Wêreldwyd hier om jou te help. Wêreldwyd se Wêreldgids is uniek. Hier kan jy verskeie Suid-Afrikaanse ondernemings van regoor die wêreld opspoor, wat ’n netwerk van Suid-Afrikaners in die buiteland vorm. Hierdie week se onderneming is Versfeld Law in die VSA.
Adv. Leon Versfeld is ’n prominente prokureur wat in besigheidsimmigrasie in Amerika spesialiseer en aan die globale immigrasieregsfirma prokureur Versfeld & Hugo, LLC verbonde is. Hy verteenwoordig verskeie Amerikaanse Fortune 500-maatskappye sowel as ’n paar topligasportorganisasies, beleggers en mense met uitsonderlike kuns- en sporttalent. Leon word deur sy eweknieë beskou as een van die top-5% prokureurs in Amerikaanse immigrasiewetgewing in Missouri en Kansas en het die hoogste gradering by Martindale Hubble. Hy word gereeld uitgenooi om – nasionaal en internasionaal – toesprake oor Amerikaanse immigrasiewetgewing te lewer en is die outeur van verskeie regsartikels oor Amerikaanse immigrasiewetgewing, soos die lessenaarboek vir regslui, Immigration and Naturalization Practice, wat deur die Missouri-balie gepubliseer is. Leon dien op die direksie van die Kansas City Metropolitan Bar Association, waarvan meer as 5 000 prokureurs lid is. Leon het aan die Universiteit van Pretoria in Suid-Afrika gegradueer en is gelisensieer om in die Verenigde State, Suid-Afrika, Engeland en Wallis in die regte te praktiseer.
Kontak Versfeld Law:
Telefoon: +1 816 891 8600
E-pos: pnm@versfeldlaw.com
Klik hier om Versfeld Law se Facebook-blad te besoek
Klik hier om VersFeld Law se blad te besoek op Wêreldwyd se Wêreldgids
