Dié week se kollig val op Vic & Vee Interiors in Ierland.
Vic & Vee is gratis op Wêreldwyd se Wêreldgids gelys. Dié gids stel mense in staat om Suid-Afrikaanse ondernemings in die buiteland te ondersteun wat ’n produk of diens in Afrikaans kan lewer.
Lees meer oor Vic & Vee Interiors:
Ons het ’n passie vir spesiale en interessante binnenshuise dekor en ons tuisland het ’n plek in ons hart.
Ons onderneming is in die Republiek van Ierland. Ons verkoop unieke dekoritems wat op verantwoordelike wyse uit Suid-Afrika verkry word. Ons fokus daarop om items te vind wat enig in hul soort is vanaf verskaffers wat ons vertrou.
Deur ons aanlyn winkel wil ons ook die ryk talent en hulpbronne van Suid-Afrika en sy mense aan die wêreld ten toon stel en oorsese blootstelling bied aan klein besighede in Suid-Afrika. Ons produkte en vakmanne is uniek, anders en outentiek. Items in ons winkel sal beslis ’n stelling maak en ’n gesprek ontlok!
Produkte word op ’n verantwoordelike wyse bekom, die mense wat dit vervaardig word regverdig vergoed en invoere vind wettig deur doeane plaas.
Ons verskaffers is klein ondernemings en entrepreneurs in Suid-Afrika.
Dink jy jou onderneming verdien tyd in die kollig? Vat vandag nog ’n kans en word deel van ons AfriForum Wêreldwyd-netwerk. Netwerke is nie net ondernemings nie; dit is ook ’n waardevolle wyse waarop jy ’n ondersteuningsbasis kan uitbou vir daardie dae wanneer die verlange na ’n goeie Suid-Afrikaanse wyn, kuier om ’n braaivleisvuur en die onmisbare Afrikanergasvryheid te veel raak.
Kontak Vic & Vee Interiors
Klik hier om Vic & Vee Interiors se webtuiste te besoek.
Klik hier om Vic & Vee Interiors op AfriForum Wêreldwyd se Wêreldgids te besoek.
