Naweek Nadink: Hoe meer haas, hoe minder spoed

Des 19, 2018

Sekerlik een van my grootste ontnugterings – in tien maande terug in Suid-Afrika – is hoe gejaagd, en terselfdertyd, inwaarts gefokus baie mense is. As ’n mens nie daadwerklik stappe neem om jou aktiwiteite te prioritiseer nie, dan word alles belangrik.

As alles belangrik raak, beweeg die lewe al hoe vinniger. Jy skeep juis dan die dinge af wat wel belangrik is, byvoorbeeld goeie (ou en nuwe) vriende, familie en jou gesondheid.

Wie is daai persoon wat jy met vrymoedigheid 3:00 die oggend kan bel as die papaja die waaier tref?

Vat dit bietjie rustiger, dink en prioritiseer jou aktiwiteite. Dit help nie jy hardloop vinniger in die verkeerde rigting nie. Gaan stadiger ten einde te versnel.

Geseënde Kersfees en 2019 vir jou en jou geliefdes! Gesels weer met jou in die nuwe jaar.

ONTHOU!

Kry my eBoek 52 GRATIS!Klik hier
Lees my onderhoud met com: Lees hier
Luister my onderhoud op Podlitiek Podsend: Luister hier

Meer oor die outeur

Jacques Basson

Na wonderlike kinderjare in Riebeeckstad en vele jare op Kovsie-kampus ten einde my potspel (pool game) te vervolmaak (halwe waarheid) en ’n besigheidsgraad te voltooi, begin my korporatiewe verkope en bemarkingsloopbaan in 1999 met die Coca-Cola maatskappy. Coca-Cola se bestuursontwikkelingsprogram, Kusile, het my besigheidskundigheid vinnig ontwikkel en vyf addisionele maatskappye en senior rolle in Suid-Afrika en Engeland later – vir onder meer Parmalat, Ecolab, Luxottica en Polaroid Eyewear – begin ek ’n kommersiële skoonmaakbesigheid, VanBroc Cleaning, in 2007, gevolg deur ’n gesamentlike onderneming met ’n kommersiële skoonmaakbesigheid in Austin, Texas in 2012. Na 14 jaar in Engeland het ek en my gesin vroeg in 2018 Suid-Afrika toe terug getrek en ons woon tans in Centurion. Natuurlik is Klipkouers-podsend die nuwe babatjie in die besigheidsfamilie en ek het julle hulp nodig met kind grootmaak!

Kollig-nuusbrief: 2 Mei 2024

Mei 2, 2024

Hiermee die nuutste Wêreldwyd Kollig. Die nuusbrief bevat inligting oor allerlei interessante sake, maar ook noodsaaklike kwessies vir ons mense in die buiteland. Stuur hierdie nuusbrief gerus aan. Enigiemand kan gratis daarop inteken. Klik hier om die nuutste...

Die storiefabriek wat ons lughawens noem

Mei 2, 2024

‟Ek weet ek het belowe ek gaan dit nie weer op die lughawe verloor nie. Maar noudat die tyd aangebreek het, kan ek nie onthou hoe om beskaafd te groet nie. Hoe vreemd. Dat van die delikaatste oomblikke van afskeid en die rou, intieme emosies wat daarmee gepaardgaan,...

Maroela Media: Nuushooftrekke van die week

Mei 2, 2024

Deur Suné van Heerden Maroela Media is ’n Afrikaanse internetkuierplek waar jy alles kan lees oor dit wat in jou wêreld saak maak – of jy nou in Suid-Afrika bly, of iewers anders woon en deel van die Afrikaanse Maroela Media-gemeenskap wil wees....